Page 29 - До5ордуулар суруйсуулара

- 21-
Миитэрэй, дорообо! Соҕуруу Академияҕа Общ. Н-га
Өксөкүлээх 100 сааһын хайдах бэлиэтиири сүбэлэһэллэр үһү.
ОК-эт бэйэтэ быһаарарыттан дьулайан көрдөстөҕө дуу?
Суруйааччылартан, биһиги институппутуттан, СГУ-тан
туһааннаахтар баран эрдэхтэрэ. Уонна Сибиирдэртэн. Москваттан
кыттан эрдэхтэрэ. Чэ, айаан эрдиннэр. Демидовтаах Познанскай
«К истории борьбы с белобандитизмом в Якутии в 1921-23 гг.»
диэн үлэ суруйбуттар...
Үтүөнү кытта Ньукулай. 22.11. 76 с.

- 22-
Миитэрэй, дорообо! Өксөкүлээх мунньаҕа бэрт сымнаҕастык
барбыт. Иирсээччилэртэн үгүс киһини кытыарбатахтар. Мөккүөрү
таһаарбат баҕалаахтар эбит. 62 сыллааҕы уураах саамай сөптөөх,
хайдах аныаха диэри өйдөөбөт дьоннор баалларый, Кулаковскай
диэн улахан киһи, улуу суруйааччы дэспиттэр. Солоухиннаах
тылбаастарынан бэчээттиир буолбуттар. Оттон, мин санаабар,
Кулаковскайы быһа мөккүһэн, хата, киэҥ эйгэҕэ таһааттарар
буолбуттар. Соҕуруу улахан суруйааччылар, ученайдар болҕомтоҕо
тардыллан, кинилэр үрдүк сыанабылларын ылан эрдэхпит.
Куһаҕан үчүгэйэ суох буолбат.
Истибиккит курдук Эллэй өлөн хаалла. Сүрэҕинэн, эмискэ...
Балыыһаҕа киирэн балачча сытан арыыйда буолан иһэн, 14
чыыһылаҕа сүрэҕэ эмискэ тохтоон хаалбыт. Сити күн И.Эртюков
60 сааһын бэлиэтээһин буолбутугар, миигин дакылааттаттылар.
Онон кутурҕан, үөрүү барыта холбоһон хаалла...
Доҕорун Ньукулай. 16.12.76 с.

-23-
Миитэрэй, дорообо!
Мин Семен Данилов үбүлүөйүн үөрүүлээх биэчэригэр
сылдьыбытым. Тохтобулга дьону кытта кэпсэтэ турдаҕына, саҥата
суох эҕэрдэлээн илии тутуспутум. Онуоха миигин: «Бу киһи эмиэ

27