Page 5 - До5ордуулар суруйсуулара

«Глубокое познание друг друга,
взаимное дополнение — вот начала
дружбы, сильной выше всяких
обстоятельств».
А.И.Герцен.

Киирии тыл

Мин Троев Дмитрий Гаврильевич диэн доҕордоох этим, ол
доҕорум 2006 сыл сайын олохтон барбыта. Биһиги Саха сиригэр
сэбиэскэй автономия саҥардыы олоҕурбут сылларыгар Уус-Алдан
оройуонун ыаллыы нэһилиэктэригэр төрөөбүппүт. Сааспытынан
бараллаабыт. Мин Дүөндүгэ, кини Мүрүгэ үөрэммиппит. Аҕа
дойду сэриитигэр 1942 сыллаахха уон аҕыспытын ситэ туола
иликпитинэ армияҕа ыҥырыллыбыппыт. Мин арҕаа, кини илин
сулуусубалаан баран, сэрии бүппүтүн кэннэ, 1947 сыллаахха
дойдубутугар эргиллибиппит. Оччолорго эдэр уолаттар Дьокуускайга
педрабфак үһүс курсугар бииргэ үөрэнэн баран, пединститукка
(мин филологическай, кини историческай факультекка)
студеннаабыппыт. Мин бастакы курс кэнниттэн, төрөппүттэрим
кырдьан кыаллыбат буоланнар, нэһилиэкпэр учууталлыы сылдьан
кэтэхтэн үөрэнэн институппун 1953 сыллаахха бүтэрбитим, кини
сирэй үөрэнэн 1952 сыллаахха бүтэрбитэ.
Дмитрий Гаврильевич биһикки чугас билсэн доҕордоһуубут
рабфакка бииргэ үөрэнииттэн саҕаламмыта. Мин дойдубар уонтан
тахса сыл учууталлаан (арыт директорынан үлэлээн) баран,
Дьокуускайга ТЛИНЧИ-гэ (кэлин ГЧИ дэммитэ) саха литературатын
чинчийиинэн дьарыктаммытым, кини бастаан Орто Халымаҕа
учууталлаан баран дойдутугар кэлэн РОНО-ҕа уонна үксүн Мүрү
оскуолатыгар үлэлээбитэ. Ити уһун сыллар усталарыгар сибээспит
быстыбата: хардарыта сылдьы11абыт уонна, таптаһар уоллаах
кыыс курдук, наар суруйсан тахсабыт. Арай кэлин, аҕыс уоммут
чугаһыгар доруобуйабыт улаханнык айгыраан, хардарыта тибиилии
тибэр сурук лаппа аҕыйаан баран, кэлин букатын да тохтообута.

3