Page 6 - До5ордуулар суруйсуулара

Тоҕо биһиги бачча уһуннук (үйэ аҥарын кэриҥэ) суругунан
ыаһахтанныбыт? Аныгы суол-иис, сибээс балачча сайдан, дьон
бэйэлэрин икки ардыларыгар суругунан хардарсаллара сэдэхсийбит
кэмигэр? Мин санаабар, иккиэн да оҕо эрдэхтэн майгыммыт, улаатан
да баран өйбүт-санаабыт, билиибит-көрүүбүт ханан эмэнэн
чугасаһарыттан буолуон сөп. Ол эрээри тус-туспа личностар буоларбыт
быһыытынан, төһө да доҕордоһуубут уурайбатаҕын иннигэр, сорох
чопчу боппуруостарга хайдыһыыбыт ханна барыай. Ол суруйсуубутугар
көстөр буолуохтаах. Пионер, комсомол, партия иитиитин барбыт, а.э.
сэбиэскэй кэм үөскэппит дьоно буоллахпыт. Уонна олус кэлбэт-барбат,
киирбэт-тахсыбат, киһи иннигэр түһэн саҥарбат-ин эрбэт, айдаарбат,
улахан дуоһунастамматах, сорохтор бүтэҥи да диэхтэрин курдук
буолуохпут. Ол гынан баран, ама тыыннаах өлүк буоллахпытый, син
бэйэбит кыахпытынан өйдөөх-санаалаах, ону-маны ырыҥалыыр,
сырдыкка, үчүгэйгэ талаһар, ол көнө сүрүннээх талаһыыбыт олоххо
киирэригэр үлэлэһэ сатыыр билсиитэ-көрсүүтэ суох дьон тыыммытын
суруйсуубутугар таһаарар буолуохтаахпыт.
Дмитрий Гаврильевич үтүөкэннээх учуутал, үөрэҕирии үлэһитэ
буоларын таһынан, улууһугар актыыбынай лектор, пропагандист, мин
буоллаҕына, суруналыыстар, суруйаачылар союзтарын чилиэнэ да
буолбатарбын, республика хаһыаттарыгар, сурунаалларыгар бэйэм
наадалаах диир темаларбар матырыйаалы үгүстүк бэчээттэтэ сатыырым.
Отгон кини биһикки суруйсуубутугар республика, сойуус олоҕо,
норуоттар икки ардыларынааҕы балаһыанньа, төһө өйдүүрбүтүнэн, үгүс
миэстэни ылар. Туе бэйэбит олохпут-дьаһахпыт, күннээҕи дьиэтээҕи
түбүкпүт кыратык таарыллар. Ол оннугар уопсастыба, аан дойду олоҕор
интэриэспит өрүү да улахан.
Манна биһиги суруйсуубутуттан ордон хаалбытын сороҕун
кылгатан киллэрдим. Биһиги личнэй суруйсуубут дьоҥҥо туох туһалаах
буолуой? Мин санаабар, дьалхааннаах 20-с үйэ иккис аҥаарынааҕы
саха боростуой үлэһит интеллигенциятын бэрэстэбиитэллэрэ туох
өйдөөх-санаалаах олорбуттарын кэнэҕэски кэнчээрилэр билэллэригэр
биһиги истиҥ-иһирэх суруйсуубут, кыратык да буоллар, сороҕор
интэриэһиргэтиэн сөп.
Н.Копырин
4