Page 10 - До5ордуулар суруйсуулара

Биһиэхэ обкомтан тахсан лекция оҥордулар. Онно мин
маннык боппуруостары биэрдим: а),Ити үс суруйааччы сорох
айымньыларыгар олоҕу табатык көрдөрөр буоллахтарына, олор
чопчу ханныктарый? б) Ити суруйааччылар тиһэҕэр тиийэ
националистическай идеологиялаахтара дуу, биитэр олохторун
кэлиҥҥи сылларыгар санаалара уларыйан, саҥа олох тутуутугар
актыыбынайдык кыттан барбыттара дуу? в) Башарин дьиҥ
итэҕэлинэн националистическай өйгө-санааҕа кэлбитэ буолуо дуу
эбэтэр марксизмы ситэ өйдөөбөтөҕүттэн эбитэ дуу? г) Башарин
докторскай үлэтэ итэҕэстээх буоллаҕына, олор ханныктарый?
Маныаха маннык эппиэт бэрилиннэ: а) Үс суруйааччы үлэтин
хат сиһилии ырытарга анал комиссия тэрилиннэ, ол
бүтэһиктээхтик быһаарыаҕа; б) Үс суруйааччы тиһэҕэр тиийэ
буржуазнай националистар этэ; в) Башарины өстөөх диир сөбө
суох. Кини буруйа эрдэ билинэн көннөрүммэтэҕэр. Билигин
киниэхэ көннөрүнэригэр кыах бэриллэр; г) Башарин докторскай
үлэтин аахпатаҕым, ол гынан баран, кини кандидатскайа
сотулунна да, докторскайа эмиэ сотуллар, онон билигин научнай
степенэ суох, ама киһи.
Саха тылын орфографиятын билиҥҥи принцибэ сөп диэн
быһаарбыттар дии. Уонна бу боппуруоска Башарины эмиэ
кириитикэлээбиттэр. Санжиевтаах Мординов этиилэрин да
сөбүлээбэтэхтэр. Мин кинилэр этиилэрин сөптөөх курдук
санаабытым («Коммунистка» тахсыбыт ыстатыйаларын).
Саха историятын периодтааһыҥҥа Башарины сана
уопсастыбаннай тутул тиибин («патриархально-фоедальный строй»
диэн ааттаан) киллэрэ сатаата, саха историятын Россияттан
араарар диэн баайсаллар эбит.
Сталин сирдьит социализм политэкономиятын ырытара
буолуо ээ... Эн ити чааһынан тугу эмэ билэҕин дуо? Итинэн
сибээстээн мин манныгы ыйытабын: Третья особенность
производства заключается в том, что изменение производства
всегда начинается с изменений средств производства и притом
средство производства изменяется, развивается стихийно, не по

8