Page 9 - До5ордуулар суруйсуулара

таптааһыммыт барыта биир тэҥҥэ барыахтаах. Биирэ биирин
үтүрүйэр буоллаҕына, сөбө суох күүһүлээһин үөскүөн сөп. Мим
эн «баҕарбатах да үрдүнэн, омуктаһыыны сорох кыайан
өйдөөбөттөргө оҥоруон сөп (өскө сыыһа политиканы ыыттахха)»
диэн этэргэр сөбүлэһэбин.
Билигин сэбиэскэй суруйааччылар үгүстэрэ олоҕу олус
судургутутан (упрощенно) көрдөрөллөр, сиэри таһынан идеяҕа бас
бэриннэрэллэр. Олох утарсыыларын, хас биирдии лиичинэс ис
түгэх санаатын, буккуллар, мунчаарар да түгэннэрин
кырдьыктаахтык арыйбаттар, олоҕу схемалаан, дьадатан, өлбөөрдөн
көрдөрөллөр. Арай мин сөбүлүүбүн М.Шолоховы, сахалартан Амма
Аччыгыйын, Н.Заболоцкай, Суорун Омоллоон, Т.Сметанин үгүс
айымньыларын.
Биһирэнэр геройу идеальнай гына ойуулааһын астыннарбат,
Кинигэҕэ этиллэрин курдук олоххо үүт-үкчү буолбат диэн
өйдөбүлү суох оҥоро сатааһын буолуохтаах. Оттон билигин үгүс
суруйууну ааҕан баран, «олоххо адьас маннык буолбат,
киэргэппиттэр» диэҕиҥ. «Кырдьык да оннук, адьас бу баар
курдук суруллубута тоҕо үчүгэйэй» диэхтээххин табыллыбыт
айымньыны ааҕа олорон.
Башарин туһунан суруй. Институкка үөрэтэриттэн
уураттахтара. Итинник түмүгү оҥорон баран, партиятыттан да
уһуллахтара. А.Мординовы, И.Романовы эмиэ улаханнык
буруйдууллар эбит дии...
Дьэ, уонна ити боппуруостарынан сибээстээн туох
уларыйыылар буолан эрэллэрий?..
Истиҥ доҕоруҥ Ньукулай. 10.02.52 с. Эһэлээх б.

- 2 -
Суруккун иллэрээ күн туттум (посылканы кытта).
Кинигэлэрин иһин улахан баһыыба!
Мин эн өйдүүрүҥ курдук «положительная национальная
гордость» диэн социалистическай национальнай киэн туттууну
өйдүүбүн.

7