Page 51 - До5ордуулар суруйсуулара

Итини киһи астына истэр. Үлэҕиттэн (вечернайгыттан) тохтоотун
дуо? Еля корреспондент буолбута олус үчүгэй. Эн мин туспунан
суруйаары гынаҕын дуо? Табаарыһын суруйбут диэхтэрэ суоҕа дуо?
Кабинет дьонунааҕар производство дьонун суруйар ордук буолуо
суоҕа дуо?
Мин саҥардыы Намҥа Граф Биэрэгэр Т. Сметанин
огдооботугар, кыыһыгар аҕаларын сааһын бэлиэтээһин биэчэригэр
сырыттым. Бэккэ олороллор эбит. Пушкин библиотекатыгар
Эллэй 75 сааһын бэлиэтиир биэчэргэ тыл эттим, сурунаалга,
хаһыакка суруйталаатым. Колябыт Жиганскайга үлэлии барбыта
(телевизор эрэмиэнигэр). Витяттан сурук кэлбитэ. Дуня ыалдьар.
Өлөөнө эмээхсин температураланан обургутук ыалдьыбыт.
Үтүөбүн диир. Мантан инньэ көрөр киһилэннэҕинэ табыллыыһы.
Эһиги, пенсияҕа барбыт дьон, киирэн эмээхсиҥҥэ олорон
көрдөххүтүнэ? Сайын антах сайылаан, кыһын — манна. Өлөөнө
үөрүө этэ. Уонна дьиэтин' бэйэҕитигэр суруттарыа этигит.
Леночка да салгыы үөрэнэригэр ордук буолуо этэ. Эмээхсини
көрүү син биир эһиги сэлээҥҥит буолара буолуо. Даланнаах
оччо-бачча кыһаллыахтара суоҕа. Филипповтаах даҕаны бэйэлэрэ
ыалдьар дьон.
Бэҕэһээ Пухов И.В. көмүү буолла (Москваттан күлүн аҕалан).
Мырааҥҥа Эллэйдээх сытар сирдэригэр. Мин сылдьыстым.
Оҕонньор архыыбын, библиотекатын суруйааччылар музейдарыгар
тутгарарга кэриэһин эппит.
Эһиэхэ үтүөнү кытта Ньукулай. 1.12.79.
Р.8. Бытыктаах төрөөбүтэ 100 сыла бу тиийэн кэллэ.
Хайыыллар?..

-45-
Миитэрэй, Еля, дорооболоруҥ!..
29/111 чыыһылаҕа учууталбыт Өссүөнтэй сааһын СГУ
кылаабынай корпуһугар бэлиэтээтилэр. Ректор бэйэтэ тыл эттэ.
Саалаҕа толору киһи. Үгүстэрэ студеннар уонна киниэхэ
сүгүрүйээччилэр. Биэчэр күнус 3 ч. саҕаламмыта. Биллэриилэрэ

49