Page 54 - До5ордуулар суруйсуулара

Хайа да судаарыстыба итинник сайдыыттан аккаастаммата
буолуо. Индустриальнай сайдыы төрдүттэн уларыйыахтаах,
технологията. Айылҕаны алдьаппат технология үөскүөхтээх
дииллэр. Ол эрээри ити олус уустук, өтөрүнэн кыаллыбат
быһыылаах. Оттон сири оҥорооччулар эмиэ араас буолуохтара.
Хаалыылаах уонна сайдыылаах дойдулар бааһынайдара адьас тус-
туспа буолуохтара. Интеллигенция, оробуочай араналара
ырааппыта биллэр. Уопсайынан, билинни аан дойду
уопсастыбатын социальнай, экономическай, политическай
сайдыытын дьиҥ научнайдык ырытарга саҥа Маркстар,
Лениннэр наадалар! Охсуһууга биэринэй компас наада!
Үтүөнү кыгта Ньукулай. 15.06.80.

-48-
Дима, дорообо!.. Эн лекцияларыҥ олус көдьүүстээх
буолуохтара. Истээччилэр сэҥээрэр буоллахтарына, ол аата үчүгэй.
Дьоҥҥо туһалыыртан ордук үтүө дьыала баар буолуо дуо!
Лекцияларгын международнай уонна ханнык темаҕа ааҕаҕын?
Холобур, мораль, иитии, иитиллии о.д.а. оҥоруоххун сөп. Биир
тылынан эттэххэ, эйиэхэ үлэлиэххэр үлэ баар. Хайа да бэйэлээх
киһи туту да гыммакка таах сыттаҕына бүдүгүрэр.
Ыччаты коммунизмаҕа иитии проблемата баар сүдү дьыала.
Эн сөпкө этэҕин: биһиги сүүлүктэргэ, араас махинатордарга,
бүрүстүүпүнньүктэргэ олус сымнаҕаспыт. Ленин «беспощадно
расправляться» диирэ эбээт...
«Перспективной былаан бырайыагын» төһө илдьириттигит?
Норуот олоҕун тупсарыыга, материальнай быйаны дэлэтиигэ
болҕомто ууруллубут курдук. Тыа хаһаайыстыбатыгар чааһынай
бас билиини өйүүһүлэр. Дьиссипилиинэ, мораль,
коммунистическай иитии боппуруостарын өссө күүскэ туруорары
киллэрбит буоллар...
Еляҕа привет! Үтүөнү кытта Ньукулай. 13.12.80.

52