Page 55 - До5ордуулар суруйсуулара

- 49 -
Миитэрэй, дорообо! Телефон үөскээн суруйсуу мөлтүүр
буолла. Ол да буоллар суругунан сибээһи букатын быһар сөбө
суох. Телефонунан суһал наадалааҕы кэпсэтиэххэ сөп. Сурукка
наҕылыччы сэһэргэһиэххэ сөп. Софрон эппитин курдук, киһи эрэ
кырдьыгы суруйуон баҕарар, кырдьыгы суруйары бопсор да суохха
дылы да, ону сатаан суруйуохха наада! Кыра талаан ону кыайбат.
Билигин обл. партийнай конференцията буолан бүтэн эрдэҕэ.
Туох улахан сонун баар үһүө. Барыта «үчүгэй» ини. Тыа
хаһаайыстыбатыгар 10-100-нэн сүөһү көнньүнэн өлүүтэ,
кытарааһына, торбостооһуна буолар да в порядке вещей курдук
быһыылаах. Аҥардас Уус-Алдаҥҥа кэлин 5 сыл 6700 ынах
сүөһү, 2000 сылгы көнньүнэн өлбүт дии. Били былыргы сут,
сэрии саҕана өлүү ахсаана төһөҕө тиийэ сылдьыбыта буолла?
Оттон арыгыттан эмсэҕэлээһин (өлүү, оһоллонуу, доруобуйаны
сүтэрии, өйү, ньиэрбэни' сиэтии о.д.а.) сэрии саҕанааҕы
ороскуоттааҕар бука ордук элбэх буолуо.
Министрдэр хараҕы баайыахтарын да сөп, инньэ
гымматахтарына көрдөрүүлэрэ мөлтүө буоллаҕа дии.
Еля итиччэ өрүһүнэн баран, арыый буолбутун бөҕөргөтүөн
наада. Билээччилэртэн үчүгэй консультация ылыан наада.
Доҕоор, мин, арааһа, аны кыайан науканы тиниктиэ
суохпун. Тоҕо эрэ күүс-уох аччаабыкка дылы. Хайыыбын?
Уурайабын дуо, биитэр ханна тиийэн «хар» гыныахпар диэри
бара турабын дуу...
Бары үтүөнү кытта Ньукулай. 12.01.81.

-50-
Миитэрэй, дорообо! Бүгүн үлэбин («Изобр. средства...»)
издательствоҕа илдьэн биэрдим. Дэлби ыксатаннар, кэнники
нэдиэлэҕэ үлэ бөҕөнү көрүстүм... Кинигэни суруйан бэчээттэтэр
- оҕо төрөөһүнүгэр тэҥнээх дииллэрэ кырдьык эбит. Сатахха,
СГУ-га госэкзамеҥҥа хамыыһыйа бэрэссэдээтэлинэн үлэлэтэннэр,
суукка сэтээтэллэтэннэр кыайдылар.

53