Page 46 - До5ордуулар суруйсуулара

индивидуальнайга хайдар дииллэр, онтуката утарсыылаах
буолуохтарын эмиэ сөп. Холобур, политик, үчүгэй тэрийээччи
эрээри мораль өттүнэн улахан итэҕэстээх (дьахтарымсах эҥин)
буолуон эмиэ сөп үһү. Оттон билиҥҥи кэм киһитэ бары
өттүнэн дэгиттэр үтүө буолуохтаах дииллэр. Итинтэн билиҥҥи
кэм көрдөбүлэ хайдах курдук улааппыта иитии боппуруоһа
уустугурбута тахсан кэлэр.
Бары үтүөнү кытта Ньукулай. 8.07.79 с.

-40-
Миитэрэй, дорообо! Таня Хара Алдаҥҥа тастыҥ балтыгар
күүлэйдии барбыта. Дьиэни бэйэм тутан олоробун. Быйыл элбэх
абитуриент мустан эрэйдээтилэр. Ленкаҕыт онно-манна сылдьан,
араас оонньууларга кыттан сайдан эрдэҕэ. Өссө мааматын,
тээтэтин үөрдэр кэһиилээх буолар эбит. Ити идэтин бырахпатын.
Эһиги чугас бүөрүмньү сайылыыр сирдэ булунуҥ. Мин дача
туома туттан абыранным. Дойдубар тахса сылдьыахпын баҕарабын
да, суола-ииһэ эрэйдээҕэ бэт. Хайа, оттооһун хайдаҕый?
Сорохтор расценка кырата бэт, онон ыччат соччо оттоһуон
баҕарбат дииллэр. Итиннэ баҕас материальнай интэриэһи
улаатыннарыах баара.
Эһиги оҕуруот аһын олоппоккут куһаҕан. Кыра парник
оҕото тэриниэ этигит. Сибиэһэй оҕуруот аһа хайаан да наада.
Мин кыра парник оҥостон оҕурсууну кыралаан айахпар сиибин.
Биһиги арыт олус элбиибит. Быйыл сайын 12-лии киһи
буолуталыы сырыттыбыт.
Үөрэхтээһин систиэмэтигэр туох эрэ уларыйыыны киллэриэх
баара. Мин манныктары сөбүлээбэппин: а) Үөрэнии олус уһун.
Киһи үтүө сааһа очно үөрэниигэ баранар. Итини кылгатан,
хайдах эрэ сорҕотун заочно үөрэнэр гыныах баара; б) Үөрэнии
олоҕу, практиканы кытга сибээһэ кэм да мөлтөх. Олус уһун
үөрэх киһини олохтон тэйитэр. Хайдах эрэ олоҕу, күннээҕи
үлэни-хамнаһы кытта дьүөрэлээн барар гына дьаһайыах баара.
Былыргы коммунистар, комсомолецтар сэбиэскэй былааһы

44