Page 47 - До5ордуулар суруйсуулара

сүһүөҕэр туруорбут көлүөнэ олох охсуһуутугар буһара-хатара.
Ордук гуманитарнай хайысхалаах үөрэх баҕас олоҕу оҥорсууттан
тэйиэ суох этэ. «Точнай наукалар» спецификалара уратылааҕынан
партаҕа элбэхтик олорон үөрэнэллэр да, кинилэри да олох
практикатыттан тэйитэр сатаммат; в) Үөрэхтээһини өссө
демократичнай оҥоруох баара. Холобур, дьиҥ баҕалаах,
дьулуурдаах оҕоҕо суолу киэҥник аһыахха. Материальнай
усулуобуйатынан, билсиитинэн баһыйан үөрэххэ көҥүл киириини
кытаанахтык бобуохха. Үөрэниигэ нравствениай өттүгэр уһулуччу
улахан суолтаны биэриэххэ; г) Үөрэх программатын
дьоҕуһатыахха. Билии саамай төрүттэрин, сүөгэйин биэриэххэ.
Киһи онтон тэптэн бэйэтэ төһө баҕарар кэнээн, дириҥээн
барарыгар кыаҕы олохтуохха. Оттон билиҥни программа барыны
хаба сатыыр, ыстыы-ыстыы айахха угар, ону сорох ыччат
сүрэҕэлдьии-сүрэҕэлдьии ыйыстар, арыт ыйыстыбакка төптөрү
өҕүйэр; д) Диплом механическай күүһүн тохтотуохха, үөрэх-
билии төрүтүн ылбытын бэлиэтэ эрэ буоларын быһыытынан.
Специалист дьиҥнээх дьыалаҕа, олоххо, үлэҕэ хайдаҕын билэр
туох эрэ дьиҥнээх критерий, мээрэй наада. Оччоҕо дьиҥнээх
хаачыстыба үөскүө. Наука степенин ылбыттарга эмиэ итинниккэ
майгынныыр сыһыан наада. Оччоҕо араас проходимецтар аҕыйыа
этилэр.
Еляҕа, Леночкаҕа привет. Бары үтүөнү кытта Ньукулай.
7.08.79 с. Дьокуускай к.

- 41-
Миитэрэй, дорообо! Бары этэҥҥэбит. Андрей Григорьевич
ити хайдах ыалдьан өллө? Көмүс уҥуоҕун төһө бэккэ көтөхтүлэр
тыһыынчанан үөрэнээччилэрэ? Дойдубар ардаҕа бэт, суол-иис
алдьанан, кыайан тахсыбатым. Олус ардахтаах сайын буолан,
оттооһун мөлтөөтө. Хайдах кыстык буолара буолла? Кэбиспит
отторо сытыйар дииллэр.
Ити үөрэхтээһиҥҥэ, мин санааларбар, бэлиэтээһиннэрин
сөп. Үөрэхтээһиҥҥэ эрэ буолуо дуо, классовоспытын сүтэриибит

45