Page 58 - До5ордуулар суруйсуулара

суруйбатым буолуо диир. Матырыйаал баарын баар, арай
сурунаалынан, хаһыатынан киирсиэм дии олорор. Кинигэтин
дьон биһирээннэр үөрүүтэ улахан.
Биһиэхэ даҕаны араҥалаһыы буолан эрэр. Верхоянскайдар
биһиэхэ 100-чэкэ чааһынай табаны бас билэр ыаллар бааллар
дэһэллэр. Орто Халымаҕа сылгыһыт киһи этэр: 2-лии
массыыналаах, хас да моторкалаах, мотоцикллаах ыаллар
бааллар диэн, Таатта киһитэ биһиэхэ атыыр үөрэ сылгылаах
ыаллар бааллар диэбитэ. Оттон биһиги оройуоммутугар дьыала
хайдаҕый?
Бары үтүөнү кытта Ньукулай. 3.01.82 с.

-53-
Доҕорум Миитэрэй, эһиги ыар кутурҕанҥытыгар биһиги
холбоһорбутун суругунан биллэрэбит4! Кыыс соҕотох хааллаҕа. Ол
эрээри эһиги аймаҕынан күүскүтүн холбоон бииргэ бөрөһөн
олороргут буолуо. Эдэр, үүнэр дьон аһыыларын аһарыахтара.
Кырдьаҕастар, эһиги, тулуйаргыт наада. Бу сылларга аһыы үөһэ
аһыы буолан истэ... Бу кытаанах кэми тулуйдаххытына бөҕөтүйүө
этигит. Дьон олоҕун көрдөххө оннук.
Мин санаабар, кыыһы бэйэҕитигэр олордуҥ. Сиэҥҥитин
кытта бииргэ сылдьаллара ордук буолуо. Бэйэҥ баран-кэлэн
аралдьыйа түһэриҥ хайдах буолуой?..
Өлөөнө ханнык эмэ. Температурам суох диир. Аймахтара,
табаарыс дьахталлара кэлэ-бара тураллар. Николай Иванович
(Миитэрэй кэргэнин убайа) киирэн тахсыбыт. Биһиэхэ тахсан
укуол эҥин ылан эмтэт диэбитин истибэтэх. Далан биһиэхэ кэл
диэбитин эмиэ буолбатах. Бэйэтин дьиэтигэр олорорун туохха да
биэрбэт, ыал дьаһалыгар киириэн баҕарбат быһыылаах. Бэйэни
бас билэн олоруу туохтааҕар да күүстээх эбит буоллаҕа. Ол
иһин этэр буоллахтара: «Хайа ыал оһоҕун төрдүгэр сытыам
буолла», «ыал сирэйин-хараҕын кэтэһии», «туора дьон илиитигэр
киирии»... эҥин диэн. Ол эрээри, буорайдахха, үчүгэйдик

4 Миитэрэй Елята быарынан ыалдьан өлбүтүн туһунан этиллэр.
56