Page 59 - До5ордуулар суруйсуулара

санаһар хаан аймахтарга эҥэрдэһэр наада этэ. Оттон аныгы
үйэҕэ бэйэ оҕото да, ардыгар, буорга киллэрэрэ уустугурар
быһыылаах...
Суруй! Доҕоруҥ Ньукулай. 24.01.82. Дьокуускай к.

-54-
Миитэрэй, дорообо! Эн ыйбыт ыстатыйаларгын
ааҕыталаатым. Кэнникинэн соһуйбат, уолуйбат да буолан эрэбин.
Хайдах эрэ буолуохтаах буолбутун курдук.
Бу күннэргэ Дж. Неру «Взгляд на всемирную историю» диэнин
аахтым. Аан дойду историятыгар курс лекций истибит тэҥэ
буоллум. Чахчы гуманист, демократ, империализм утары эбит.
Азия да, Европа да диэки кэлтэй охтубат. Парламент суолунан
капитализмы суох оҥорор кыаллыбатын дакаастыыр. Историяны
ырытыыта хайаабыт да иһин умсугутуулаах. Ханнык да үөрэх,
идея, религия олох сайдыытыгар сөп түбэһиннэрэн уларыйан
иһиэхтээҕин этэр. Аан дойду историята биир кэлимник
көрүллүөхтээҕин туһунан олус үчүгэй этиилэрдээх.
Норуот сайдыытын экономика уонна культура быһаарар.
Духовнай культура өссө инники иһэрэ ордук быһыылаах. Норуот
дууҕа, өрө күүрүүтэ дьиктини оҥорор. Холобур, орто үйэлэргэ
арабтар сайдыылара. Оттон дуух түстэҕинэ ыһыллыы, эстии-
быстыы. Биһиги норуоппут дууҕун нуучча үс революцията уонна
Аҕа дойду сэриитигэр кыайыы өрө көтөхпүт. Кэлин нам түһүү
буолан эрэр дуу...? Сатаан салаллыбатахха сыатыйыы уонна
сытыйыы дөбөҥнүк буоларын кэм көрдөрдө.
Неру Лениҥҥэ, Сэбиэскэй Союзка сыһыана, мин санаабар,
олус үчүгэй. 30-с сс. репрессиялар тустарынан тардына соҕус,
хомойо ахтар. Мин иһин билбэппин диэх курдук этитэлиир.
Мин историк буолбатахпын, бэт элбэҕи билбэппин, үөрэниим,
билиим көтүмэх, бэйэм олоҕу билиим-көрүүм, өйдөөһүнүм
уоппутугар олоҕуран, хайдах саныырбынан суруйабын диир.
Мин саныыбын: биһиги бэйэбит испитигэр, бэйэбит
кыахпытынан тугу оноруохпутун, туох иһин сыал туруорунан

57