Page 67 - До5ордуулар суруйсуулара

барыта эҕэрдэлиир, айхаллыыр. Олус да үчүгэй киһи эбиппин
билбэккэ сылдьыбыппын диэх курдук. Онтон-мантан аадырыстар,
телеграммалар. Хайа уонна «Кыымҥа» хайҕаан уйуһуппуттарын
аахтыҥ ини. Ити үлүгэр буолтун кэннэ, 50-ча киһини, бииргэ
үлэлиир дьоммун, аймахтарбын, чугас табаарыстарбын, мунньан
Бэчээт дьиэтигэр чэйдэттим. Ити кэмҥэ икки кийиитим
балыыһаҕа этилэр. Вася Зината игирэлэннэ. Бэйэтэ доруобуйата
мөлтөх, оҕолоро итэҕэстэр. Кыргыттар. Витя Ритата срога кэлбит
буолуохтаах, эмиэ ыарыһах. Онон түбүк-табык бөҕө.
Аны бу күннэргэ бэт аһыылаах дьоннорбут утуу-субуу
өлүтэлээтилэр: Григорьев Р.С. уонна Андросов Н.Х. Никифор
Харлампьевич биһиэхэ социологияҕа үлэлиир Таатта киһитэ.
Мин Эллэй 80 сааһын бэлиэтээһиҥҥэ кинини кытта бииргэ
сылдьыбытым. Тэп курдук этэ. Соһумара сүрдээх. Онон бу
күннэргэ үөрүү, кутурҕан, түбүк барыта холбоһон хаалла. Ол
сабыдыаллаан буолуо, мэй-тэй курдукпун. Аны Өнөргө сэбиэт
миигин таһааран бэлиэтээри ыҥырар. Хайыах баҕайыный? Бу
үлүгэр тымныыга Танялыын иккиэн тахсарбыт дуу... Иһэр Саҥа
дьылга дьолу-соргуну баҕара хаалабын, Ньукулай.
17.12.84.

-64-
Миитэрэй, дорообо!.. Билигин киһи барыта сэрии эрэ
буолбатар диир, онтон атына барыта быһаарыллан иһиэ диэн
буолар. Туох эрэ киһи кэтэһиэх хамсааһыннара буолуох курдук
дуу. Англияны, Турцияны кытта эйэ-дэмнээх кэпсэтиилэр
бардылар. КНР-тын кытта эмиэ үчүгэй аҕай буолуох курдукпут.
Индияҕа Раджив быыбарданна. ХНТ-гэр Эмиэрикэ тулумнаммыт
курдук. Ити курдук баран истэр...
Св. Аллылуева кэллэ дии. Аҕатыгар сыһыан арыый
сымнаарай. Арыгыны, уорууну, сиэһини, хараҕы баайыыны утары
охсуһуу күүһүрүөх курдук.
Далан маладьыас. Харса суох суруйан эрэр. Сана суруйар
романа билиҥҥи олоҕу хорсуннук, киэн ник-куоннук ойуулааһын.

65