Page 69 - До5ордуулар суруйсуулара

- 66-
Миитэрэй, дорообо! Бырааһынньыктар бэккэ аастылар. Биһиги
ыал этэҥҥэбит. Филиалга ветераннары бэлиэтээтилэр: сылаас
тыллар, хаартыскаҕа түһүүлэр, концердар, сувенирдар, уордьаны,
үбүлүөйүнэй мэтээллэри туттартаатылар. Канаев эрэйдээх орто
дойду олоҕун билбэккэ, өйө суох сытаахтыыр.
Сана генсек дьаһалларын киһи барыта сөбүлүүр буолуохтаах.
Биһи обкоммут пленума да бэйэни кириитикэлэнэрдии барда
(Прокопьев дакылаата). Уонна арыгылааһыны утары кытаанах
дьаһал таҕыста. Эрдэ итигирдик дьаһаныах баара. Боппуруостары
коммунистарга, салайааччыларга күүскэ туруорар сөп.
Мин тыаҕа тахсан дойдум салгынынан тыына түһүөхпүн
олус баҕарабын.
Үтүөнү кытта Ньукулай. 19.05.85.

•' -67-
Миитэрэй, дорообо! Суругуҥ, хаһыатыҥ иһин баһыыба! Эн
тускунан ити нүөмэргэ элбэхтик сырдаппыттар. Үчүгэйи оҥорбут
хаалбат. Эн тускунан Н.С.Пестряков, Н.С. Колодезников дуу,
Прудецкай дуу «Кыымҥа» суруйаллара буоллар тахсыа этэ. Онно
сэрии кыттыылааҕын, учуутал, пропагандист, киһи быһыытынан
киэҥник көрдөрүө этилэр. Дьиҥинэн, эн курдуктарга «үтүөлээх»,
«үөрэҕирии туйгуна» диэн бочуоттаах ааттар иҥэриллиэ этилэр.
Онуоха үлэлиир тэрилтэҥ өйдөөн хадатаайыстыбалыа этэ
буоллаҕа. Үчүгэй тэрилтэ хайҕаныахтааҕы хайгыахтаах, оччоҕо ол
дьоҥҥо үтүө холобур быһыытынан көстүөхтээх. Ону баара арыт
хайҕаныа да суохтар билсии күүһүнэн хайҕалга, аакка-суолга
тиксэллэр. Харахтаах, кулгаахтаах ону көрөр, истэр, дьон санаата
онтон хом түһэр.
Манна тотуохпар диэри эмп иһэбин, сытабын-олоробун,
кыратык ааҕабын. Быһа-хайа тутан ыарытыннарбат эрээри,
баттааһыным түспэт, сэниэ, күүс суох. Бэргээтэхпинэ сүрэҕим
өлөхсүйэр, салгын тиийбэт курдук буолар.

67