Page 62 - До5ордуулар суруйсуулара

диэтэххэ, кини литературата да улуу буоларыгар тиийэр. Уонна
ханнык масштабка этиллэринэн. Биһиги бэйэбит масштаппытыгар
улуулар да ханна барыахтарай. Холобур, Кулаковскай, Софронов,
Ойуунускай, Эллэй, Амма, Суорун... тоҕо улуу буолбат
буолуохтарай?!
Бары үчүгэйи кытта, Ньукулай. 17.05.82.

-57-
Миитэрэй, дорообо! Кэмпэндээйи бадарааныгар эмтэнэ кэлэн
сытабын. Манна онтон-мантан, Москваттан тиийэ кэлэн
эмтэнэллэр эбит. Кустаарынай туус собуоттаах, аҕыс кылаастаах
оскуолалаах кыра бөһүөлэк. Бэс, харыйа мастардаах кырылас
кумах сир. Эмтээх бадарааннаах күөлүн аата Мохсоҕоллоох диэн.
Манна радио, телевизор үлэлээбэт, хаһыат хам-түм кэлэр.
Манна кэлэн баран сарсыҥҥытыгар үһү-бадах курдук истибитим:
соҕуруу аҕа баһылыкпыт Л.И.Брежнев өлбүт диэн. Ол эрээри
көмүллүүтүн биир ыалга телевизорга көрдүм. Буорга киллэрбиттэрэ
олус астыга суох буолла. Баара-суоҕа икки киһи түһэрдэ. Уонна
эмискэ мүччү туппут курдук, лингкир гыннаран кэбистилэр. Өссө
сорохтор төбөтүнэн түһэрдилэр дэстилэр. Үрүт мае эҥин диэнэ
суох буору кутан курулатан кэбистилэр. Нуучча да абыычайыгар
итинник буолбат ини... Президиум бэрэссэдээтэлэ ким буолара
биллибэт. Сана генсек этиитэ бокуонньуктааҕар критическэй соҕус
тоннанна. Бөдөҥ итэҕэстэр бааллар, дьиссипилиинэ, бэрээдэк иһин
охсуһуохпут, ону норуот өйүө диэх курдук эттэ. Уонна биир
интэриэһинэйэ баар, Илиҥҥилэри кытта сыһыаммыт сыыйа
тубустаҕына да боруога суох курдук. Итилэри бары да кэтэһэн,
сэҥээрэн эрдэхтэрэ. Өстөөхтөр тугу-тугу кулгуйан эрэллэр?..
Бары үтүөнү кытта Ньукулай. 26.11.82.

-58-
Миитэрэй, дорообо! Кырдьан эрдэхпит, сурукпут сэдэхсийэр.
Сатахха, телефон үөскээн сорох сонуннарбыт онон
сүөкэнэллэр... Саҥа генсек үбүлүөйдээҕи дакылаатын үчүгэйдик

60