Page 68 - До5ордуулар суруйсуулара

Ситтэҕинэ-хоттоҕуна ааҕааччыны интэриэһиргэтиэ. Үнүр «ХС»-ка
дьүүллэспиттэр этэ да, соччолоох кэпсэтии тахсыбатах. Биһиги
институппутугар мунньахтаах буоламмыт, сылдьыбакка хаалбыппыт.
ИЯЛИ-га степеҥҥэ үүнүү буолан эрэр. Билиҥҥитэ 6
докторданныбыт. Эн оройуонуҥ сонунуттан элбэхтик суруй.
Үтүөнү кытта Ньукулай. 2.01.85.

-65-
Миитэрэй, дорообо!.. Театрга «Бүдүрүйбүт көммөтүн» туруораары
гыммыттарын көн үллээбэхтэр үһү. Националистическай айымньы
диэн үҥсэллэрин тобоҕунан үҥсүбүттэр. «Туох куһаҕан барыта
нууччалартан» диэн этиини тутуспуттар. Февральскай революция
иннинэ айыллыбыт пьеса буоллаҕа. Онно «нуучча» диэн тыл
царизм, колониальнай баттал диэн өйдөбүлгэ туттуллубут
буолуохтаах. Холобур, ааспыт сэриигэ «немецтэр» диэн фашистар
диэн өйдөбүлгэ туттуллубутун тэҥэ. Итигирдик баайса, хадьырдаһа
сырыттахпытына харгыстанарбыт чуолкай. Дьиҥинэн, пьеса
билигин да актуальнай темаҕа суруллубут — итириктээһин
алдьархайын туһунан, тыа оччут-масчыт дьонун арыгы, хаатты
алыба сордуурун көрдөрөр.
Кэлин «Правдаҕа» съезд буолаары турарынан сибээстээн
улахан ыстатыйалар тахсыталаатылар. Ааспыт өттүгэр (Хр., Бр.
периоттара этиллэр быһыылаах) алҕастар тахсыбыттарын билинэр
буолбуппут да, үчүгэй чуолкайдааһыннара суохтар. Арай
программабытын хат редакциялыырга ылсыбыттар. Итэҕэстэри,
алҕастары үчүгэйдик чуолкайдаатахха, инники хардыылыырга
ордук буолуо этэ. Маасса энтузиазмын өрө көтөҕөргө дьулуһуу
баар да, маассаны итэҕэтиэххэ, уһугуннарыахха наада. Онуоха
боппуруоһу хайаан да сорунуулаахтык туруорар уонна
дьайымтыалаах күннээҕи үлэ эрэйиллэр. Биһиэхэ ол кыаллыбат.
Тосту өҕүллүүлээх хамсааһын наада.
Тас балаһыанньата да олус уустук. Кытай социализмын
интэриэһинэйдик да тутан эрэр.
Үтүөнү кытта Ньукулай. 26.01.85.

66