Page 66 - До5ордуулар суруйсуулара

репрессия өһөх былыта ыаһаабытын билбитэ. Отгон дьиҥинэн
Ойуунускай Өксөкүлээҕи мэлдьи сыаналыыра, кини айар уонна
научнай үлэтигэр көмөлөһөрө, өйүү сатыыра диэтэ. Ону сорохтор
эмиэ айдааны күөртүүр диэн сөп истибэттэр быһыылаах.
Саха театра «Ойуунускай айымньытынан театральнай
дьүһүйүү» диэни туруоран эрэллэр. Көрөөччү хара баһаам. Икки
чаастан ордук уһун, ортотугар антрактаах буолла. Ойуунускай
норуот өстөөҕө диэн буруйданан хаайыыга олорон охсуһуутун
бүтүннүүтүн эргитэ саныырын курдук көһүннэ, поэт
айымньыларыттан, этиилэриттэн танан кини олоҕун, охсуһуутун
көрдөрөр курдук. Көрөөччүлэр бириэмэ барарын билбэккэ сөҕө,
долгуйа олордулар. «Дьүһүйүү» автордара саҥа режиссер
А.Борисов уонна СГУ преподавателэ В.Протодьяконов.
Бары үтүөнү кытта Ньукулай. 26.11.83.

-62-
Миитэрэй, дорообо!.. Эдэр суруйааччылар мунньахтарын көрсө
«Кыымҥа» мин заметкабын таһаардылар. ИЯЛИ-га кэлин 5
сылга бэчээттэммит үлэлэргэ конкурс тэрийдилэр. Институттарга
ону тэрийиигэ академия ыйыыта баар үһү. 1-эй миэстэни
«Якутия в период развитого социализма» үлэҕэ, иккис миэстэни
Петров Н.Е. докторскайыгар уонна мин «Дьүһүннүүр
ньымаларбар», үһүс миэстэни И.Оконешников кандидатскайыгар,
Н. Емельянов олонхолорун сюжеттарыгар уонна В.Лебедев
бокуонньук эбээн тылыгар үлэтигэр биэртэлээтилэр. Онон киһи
күннээх, балык ыамнаах, эҕэрдэлииргэр тиийэҕин доҕоргун.
Былааннаах үлэбин секторта дьүүллээтилэр, аны Учсовет
көрүөхтээх. Уонна уруккубун бэчээккэ бэлэмниэхтээхпин. Эллэй
80 сааһыгар «ХС»-ка суруйдум, аны дакылааттаа диэбиттэрэ.
Үтүөнү кытта Ньукулай. 3.11.84.

-63-
Миитэрэй, сурук көһүтэн буорайдаҕын. 60-мун бэлиэтиир
түбүк буолла. Мин бэйэм көһүппэтэҕим курдук барда. Киһи

64