Page 73 - До5ордуулар суруйсуулара

Артыыстарбыт улахан бириэмийэҕэ тиксибиггэрэ олус
үөрүүлээх. Санаалара көтөҕүллүбүтэ биллэр. Олорор дьиэлэрэ
суоҕа иэдээн. Ити салалта мөлтөҕүттэн, культура сайдыытыгар
суолта биэрбэттэриттэн тахсар. Хотугу народностар
литератордарын мунньаҕар бэйэбит тылбытынан оскуолалар
суохтар. суруйууларбытын бэйэбит тылбытынан кыайан
бэчээттэппэппит диэн эттилэр. Оҕолоро тылларын билбэт,
төрөппүттэрин өйдөөбөт буола улааталлара охсуута улахан. Оттон
граница таһынааҕы омуктар биһиги хотугуларбыт тыллара,
культуралара хайдах чэчирээн эрэрин сүрдээҕин
интэриэһиргииллэр үһү. Улахан международнай мунньахтар
буолуохтаахтар дииллэр. Онон арыый өрө тардыныы буолаа ини.
«Генералы за мир и разоружение» диэн международнай бөлөх
тэриллибитин үөрэ иһиттим. Сэриигэ ананан бэлэмнэммит үрдүк
чыыннаахтар сэриини утарар буолбуттар эбээт! («За рубежом»,
1956 г., 46№). Эйэ иһин охсуһуу биллэ күүһүрэр да, АХШ-ра
сэбилэниилэрин тохтотуох быһыылара суох. Аан дойду
комхамсааһыныгар улахан хайдыһыы баара алдьатар.
Илиҥҥилэри кытта сыһыан алдьанарыгар Хрущев буруйдаах
буолуо. Икки атахтаах дьылҕатын туһугар, төһө да биһиэхэ
хомойбуттарын иннигэр, илиҥҥилэр сыһыаннарын уларытыа
этилэр. Билигин кинилэргэ День Сяопин сүрүннүүр курдук.
Үтүөнү кытта Ньукулай. 16.11.86 с.

-72-
Миитэрэй, дорообо! Баар-суох суруйааччыларбытын аанньа
ахтыбаппыт тоҕо сүрэй. Омук быһыытынан куппутун-сүрбүтүн
иитиэхтээбит литературабытын суолталаабат быһыы төрөөбүт
биһиги аанньа ахтыбат буолуута тэҥ. Оччоҕо инни-кэнни билбэт
манкурдар буоларбытыгар тиийэбит. Ленин, бэл, гражданскай
сэрии алдьархайдаах кэмнэригэр кинигэни пушканы кытта
тэҥҥэ тутан хааччыттарара дииллэр дии.
Биһиэхэ Саҥа дьыл иннинэ Алампаҕа конференция
буолуохтаах, онно миигин кыттарга сорудахтаабыттара. Театрга

71