Page 76 - До5ордуулар суруйсуулара

- 76 -
Миитэрэй, дорообо! Хаһыатыҥ, хаартыскаҥ иһин баһыыба!
Быйыл оҕоҥ, Ленка, дьиэлэнэн түбүк элбээтэҕэ. Өссө
сиэннэннэххинэ буолуо... Мин сиэннэрим сотору-сотору кэлэн
үнтү үктээн бараллар. Оҕолорбут биһигиттэн үп-ас салҕаммакка
кыайан олорбот дьон. Кыра хамнас туомнаахтара кэмигэр
кэлбэккэ муҥнуур.
В. Белов «Все впереди» романын («Наш современник», №7, 8,
1986) аах эрэ. Столица олоҕун саралаан көрдөрөр. Олох
сытыйыы буолбут. Үгүстэр дьиҥ кырдьыгы олус хорсуннук
ойуулуур дииллэр.
Генсек үбүлүөйгэ дакылаатын туох диэтиҥ? Мин 2,3-с
чаастарын ордордум. Балачча сонун ырытыылар. Оттон
Бытыктаах кэмин көрдөрүүтүн өйдөөбөтүм. Кытаатыҥ, байыҥ
диэбит Бухарины тилиннэрээри гыналлар. Сэрии саҕаланыытыгар
колхоһунай тутул кыайбатаҕа буоллар, хайдах буолуо этэй?
Раскольников курдуктары көмүскэһии саарбах буолуо суоҕа дуо?
Оттон бу 20-чэ сылга тахсыбыт таҥнары барыыны, сытыйыыны
сууммалыыр буоллар, Бытыктаах саҕанааҕы алдьархайдары
таһынан барбатаҕа буолуо дуо?
Леночкалаахха улахан-улахан эҕэрдэ! Н.Копырин. 25.11.87 с.

-77-
Миитэрэй, дорообо! Батарейка хам-түм атыыга тахсар
быһыылаах. Түбэстэхпинэ ылан ыытыам. Эн эппиттэргин өссө
ааҕа иликпин. «Век XX и мир» диэн сурунаал баар эбит дии.
Төһө интэриэһинэйдэри таһааттыыра буолла. Мин кэлин Д.А.
Волкогонов «Феномен Сталина» (ЛГ, 8/ХП с.г.) диэнин аахтым да,
астымматым. Бэт ньуолбардык, быһаҕастаан-чиэппэрдээн боростуой
ааҕааччыны толкуйдатар курдук суруйбут да... Ордук киһи
быһыытынан итэҕэстэрин дьөлө хаспыт. Ол алдьархайдаах
сылларга, Бытыктаах курдук, кытаанах уонна муударай киһи
салайбатаҕа буоллар, дьылҕабыт хайдах хайыһыа биллибэт.

74