Page 75 - До5ордуулар суруйсуулара

сүнньүн бэт сөп дии саныыбын. Бииринэн, уопсай үөрэхтээһин
сыла олус уһун, иккиһинэн, наһаа элбэҕи симэн үөрэтэ сатыыллар.
Санааҕын элбэхтик суруй. Үтүөнү кыгга Ньукулай. 1.04.87 с.
Р.8. Чарлз Хайдеры туох диигин? Эмиэрикэҕэ даҕаны икки
атахтаах туһугар тыыннарын толук биэрээччилэр бааллар эбитдии.

-74-
Миитэрэй, дорообо!.. Уларыта тутууга биллибэтинэн утарсыы
баар курдук этэллэр. Онон үлэ ыараханнык барыыһы
быһыылаах. Балаһыанньаны ылбыт, байбыт өттө иһигэр утарара,
кытаанах эрэсиим эргийиэ диэн сөбүлээбэтэ биллэр. Бытыктаахха
саба түһүтэлииллэр, кини кэмэ куһаҕанын була сатыыллар.
Холобур, Г.Попов «С точки зрения экономиста» («Наука и
жизнь», №4, 1987) ыстатыйатын туох дии саныыгын? Кини
этиитинэн туох куһаҕан барыта Бытыктаах саҕана силис
таппыта, силигилээбитэ үһү. Кэлин үйэ аҥарыгар чугаһыыр
кэмҥэ, эйэлээх нус-хас олоххо олорон таһаартаабыт сордоох
алҕастарбытын бука барытын Бытыктаахха түһэрэр сатаныа дуо?
Ити үлүгэрдээх уһун, инникилэрдээҕэр быдан чэпчэки кэмҥэ
муударайдык салаллыбыппыт буоллар, дьыала олох атын буолуо
суох этэ дуо?
Үтүөнү кытта Ньукулай. 31.05.87 с.

-75-
Миитэрэй, дорообо!.. Дьэ, доҕоор, арыгыны эмиэ көҥүл
ыытан кэбистилэр. Манна тыаттан «утатан-өлөн» киирэн
кэтэһээччи-манаһааччы элбээтэ. Итинник буоллаҕына оттооһуҥҥа
да сырыыптар тахсыах курдуктар. Толуонунан атыылаһыы
онуоха-маныаха диэри сөп этэ дии санааччы элбэх.
Бытыктаах туһунан «Дети Арбата» диэн Рыбалко романын
аахтым. «ЛГ»-ка рецензиялаабыттарын билистим. Бокуонньук
үрдүгэр үҥкүүлээн аххан эрэллэр. Социализмы тутууга тахсыбыт
итэҕэстэри, ыарахаттары барытын киниэхэ түһэрэ сатыыллар.
Үтүөнү кытта Ньукулай. 15.07. 87 с.

73