Page 79 - До5ордуулар суруйсуулара

сыаналааһын на тоҕо олус хабыр быһыы буолбутун сорох өттүнэн
өйдүөххэ сөп. Оччолорго бириэмэ олус уустуга, кытаанаҕа, «или-
или» дэһэр кэм буоллаҕа. Кыра-хара норуот былааһын көмүскүүр
тимир-тамыр салалта наадата үөскээн кыайыыга тириэртэҕэ.
Бытыктаах буруйа сүнньүнэн адьас ыраас дьон балыллан
сэймэктэммиттэригэр буолуо... Атомнай сэрии алдьахайыттан
чаҕыйан, арҕааны империалистары кытта сыыйа, сэриитэ суох
ыаллыы олорор уопсай тылы булаары, кинилэргэ Бытыктаахпытын
толук биэрбиппит буолаарай диир санаа туой сөрүөстэр.
Бытыктааҕы палач оҥорбокко да эрэ, политиканы сымнатар тоҕо
сатаммата эбитэй? Илиҥҥилэр билиҥҥи салалталара МАО-ттан
атыннык бардылар буолан баран, тоҕо эрэ киниэхэ биһигиннээҕэр
муударайдык сыһыаннастылар. Онно майгынныырдыы биһиги
Бытыктаахпытыгар сыһыаннаһарбыт тоҕо табыллыбата буолла?
Громыко мемуарын аахпыттар этэллэринэн, кини Бытыктаахха
сыһыана куһаҕана суох үһү. Биһиэхэ Ахчаҥныыраптар курдук
наһаалаабыт дьону саралыыр сөп буолуо. Ыччат иитиллиитигэр
хоромньута суох, хата көдьүүстээх ини.
Эһиэхэ бары үтүөнү кытта Ньукулай. 5.12.88 с.

- 81-
Миитэрэй, дорообо! Кэргэттэр элбээннэр, үлэҕэ баттатан
сурукпар кыайан эппиэттээбэтэ дии санаабытым. Сатахха,
телефоммут алдьаммыта быданнаата, хаһан оҥоһуллара биллибэт,
онон биһиги да сабыллан олоробут. Төбөм эҥин ыалдьар
буолан, ааҕыы да аҕыйаан иһэр.
Саха тылын өрө көтөҕүөххэ, судаарыстыбаннай статуһу
биэриэххэ диэн боппуруос көтөҕүллүбүтүн истибитиҥ буолуо.
Мин итини испэр өйүүбүн. Өссө манна түмсэн дьүүллэһии
буолбутугар тыл эппитим. Утарааччылар да бааллар. Ученайдар,
ол иһигэр тыл үөрэхтээхтэрин ортолоругар, эмиэ.
Судаарыстыбаннай статуһа суох тылбытын сайыннарыахха сөп
дииллэр. Эһиги диэки учууталлар энин бу боппуруоска туох
санаалаахтара буолла.

77