Page 80 - До5ордуулар суруйсуулара

Эн ыыппыт хаһыатыҥ быыһыгар суругуҥ олус кыра. Хайдах
эрэ санаарҕаабыт курдуккун. Мантан антах биһиги үөрэрбит,
өрөгөйдүүрбүт аччаан иһээхтиирэ сокуоннай буолуо. Ол да
буоллар хайа кыалларынан олус ыһыктымматарбыт сөп этэ.
Уларыта тутуу чааһынан мин да мунаарарым элбэх. Тас
политика боппуруоһугар атом, химической сэбилэниилэри
аччатар, суох оҥорор туһунан кэпсэтиилэр бараллара сөбө ханна
барыай. Уопсайынан, норуоттар икки ардыларынааҕы сыһыаҥҥа
үчүгэй саҕалааһыннар буолуталаатылар. АХШ-ын кыгга
чугасаһыы, өскөтө биһиги буржуазнай сабыдыалга бас бэринэн
хаалбаппыт буоллар, үчүгэй түмүктэрдээх буолуо этэ эйэ-
дэмнээхтик ыаллыы олоруу сиэринэн.
Ис олохпутугар демократизм, аһаҕастыйыы, плюрализм
марксистскай платформаҕа олоҕураллара наада. Иитэ-саҕата суох
барыы табыллыбат. Холобур, Бытыктаахха сыһыан сиэри таһынан
ааһа түһүүлэннэ. Чахчы ыраас дьоннор репрессияламмыттарын
реабилитациялыыр сөп, оттон 20, 30, 40-с сс. ситиһиилэри
барытын туора сотор түктэри. Итини КК көннөрбөтөҕүнэ,
оҕустарыыбыт улаатар. Бытыктаах кэмин Брежнев кэмин кытта
холбуу бииргэ туруора сатыыллар. Ити олох сыыһа. Икки адьас
тус-туспа кэми тоҕо, биир кэм курдук, холбуу көрөллөрүй?
Историзм принцибэ итиннэ кэһиллэр. Хрущевтан, Брежневтэн
ыла бюрократия диктатурата олоҕуран барбыт буолуохтаах. Ол
түмүгэр экономика таҥнары бардаҕа, уопсастыба бүтүннүүтэ
улугурдаҕа. Итилэр барылара Бытыктаахтан силистээх диэһин
хара балыыр. Национальнай боппуруос оччотооҕу кытаанах кэмҥэ
сүнньүнэн сөптөөхтүк быһаарыллыбыта, кэлин 50-с сс. бэттэх
саҥа быһыыга-майгыга сөп түбэһэр гына сатаан салаллыбакка
иэдэйдэхпит. Иитии, дьиссипилиинэ, мораль боппуруостара эмиэ
сатаан быһаарыллыбаттар.
Эн төһө лекциялары онортуугун, дьон төһө сэҥээрэр? Ити
Турулукуоп оҕонньор маладьыас, бэккэ суруйар.
Эһиэхэ барыгытыгар үтүөнү баҕарабын, Ньукулай. 5.02.89 с.

78