Page 82 - До5ордуулар суруйсуулара

Далан ахтыы сэһэнэ суруйааччыларга дьүүллэһиигэ биһирэннэ.
Мин да сөбүлүү аахтым. Кырдьыгынан малтаччы суруллубут.
Солженицын «Гулагын» аахтым да, сирдим. Өктөөбү, Ленини,
бассабыыктары барыларын олус сүрдээхтик хоруотуур.
«Европейский дом» диэн чопчу туох ис хоһооннооҕун билбэппин.
Бука эйэлээхтик ыаллыы олоруохха диэн буолуо. Ону билиҥҥи
кэмҥэ ылыныахха сөп, өскө балаһыанньалара истиҥник тутуһуллар
буоллаҕына.
«Кэнчээрини», матадьыастар. көмүскээбиккит. Мин «Кыымҥа» тыл
кэскилин туһунан суруйбуппун аахтыҥ дуо, туох дии санаатьпг? Били
Березкин Уйбаанныын Дүпсүн оҕонньорун' туһунан суруйбуппутун
киһи үксэ сөбүлээбит. Бороҕоттор туох дииллэрэ буолла?
Эһиэхэ бары үтүөнү кытта Ньукулай. 27.01.90 с.

-84-
Миитэрэй, дорообо! Арҕаалар «Мэҥнээҕи» олуһун өрө туталлар,
бэйэбитигэр кинини анаан утарыы көстүбэт. Ас-таҥас, дьиэ-уот
кыһалҕатыттан дьоннорбут ордук айманар курдуктар. Оттон чопчу
салалтаҕа утары туруу суох. Ыһыллыы-тоҕуллуу өтөр наар тохтотуллар
кыаҕыттан ааста. Билиҥҥи салалта кытаанах дьаһаллартан туттунар,
бөрө да тот буоллун, барааннар да быстыбатыннар диир принциби
тутуһар курдук. Хараҥа (темнай) экономиканы, миллионердары,
бүрүстүүпүнньүктэри, бюрократичны боҕутуннара иликкэ туох да
күттүөннээх тахсыа суоҕа. Баай, дьадаҥы хат үөскээтэҕинэ,
социализм быраһаай.
Оттон «европейскай дьиэ», эн этэргинэн буоллаҕына, олох
табыллыбатыгар тиийэр. Ону эн тугунан итинник этэриҥ буолла?
Тылбыт кэскилигэр Бороҕоттор туох диэн утарсаллара буолла.
Наука, техника, искусство, абстрактнай өй-санаа эйгэтигэр тылбыт
тылбыллан хаалар буоллаҕына, хайдах дьон буолуохпутуй? Оттон
тылбытын сайыннардахпытына, өйбүт-санаабыт да сайдыа,
нууччалыы да ордук билэр буолуо этибит, национальнай культурабыт
үрдүө этэ. Сахабытын быраҕан нуучча буолан хааларбыт ордук

1 В.В. Никифоров - Күлүмнүүр туһунан этиилэр.
80