Page 83 - До5ордуулар суруйсуулара

дииллэр дуу? Кинилэр этэллэрин тутустахха, саха да, нуучча да
буолбакка икки саары икки ардынан дьон буолан хаалыахпыт эбээт.
Биһиги эрэйдээхтэри улуу омук син биир суурайыа, онон эрдэттэн
бэринэн кэбиһэр санааны тутуһаллар дуу... Син биир суох буолабыт,
эстэбит диэн санаа сөп буолуо дуо? История көрдөрөрүнэн, кыра да
омуктар өр олороллор, өссө сайдаллар эбит ээ. Күүстээх санаа,
дьулуур наада. Бэл уһук хотугу омуктары эһимиэххэ диэн буолар.
Социализм, дьиннээх демократия, гуманизм улуу идеялара биһигини,
кыралары араҥаччылыахтаахтар.
Бары үтүөнү кытта Ньукулай. 04.02.90 с.

-85-
Миитэрэй, дорообо! «Мэҥнээх Мэхээлэ» хаһан да, ким да
Сэбиэскэй Сойууска ылбатах муҥур былаастанар буолла. Норуот
бүттүүн куоластааһыныгар киллэрэр астык буолуо этэ. Верховнай
Сэбиэт съеһигэр элбэх куолаһы ылара чуолкай. Норуот бүттүүн
куоластааһыныгар киллэрэр көдьүүһэ суоҕун үс суолунан
быһаараллар:
1) Республика уонна олохтоох быыбардар мэһэйдииллэр, олус
элбэх быыбар буоларыгар тиийэр үһү;
2) Президент быыбарыгар анаан сокуон оҥоһулла илик, сокуон
оҥоһулларын күүттэрэр өрө бэт үһү;
3) Депутаттар съезтэрэ быһаарара, уопсай быыбара туох да
куһаҕана суох үһү. Депутаттар норуот санаатын-баҕатын этэллэр диэн
куолулууллар.
Уларыта тутуу барара сөп да, хайдах барара боппуруос.
Капитализмҥа хадьайбакка, социализмы бөҕөргөтүү суолунан барыа
этэ буоллаҕа.
В.В. Никифоровка сыһыаҥҥар мөккүһэбин. Утарсыылаах
деятель: 100% реакционер да, 100% прогрессивнай да деятель
буолбатах. Үчүгэй, норуокка туһалаах өттүн ылынар наада.
«Манчаарытын», бастакы революцияҕа кыттыытын, автономия
кэнниттэн үлэтин ылынар сөп, оттон Колчак саҕанааҕыта - уустук
боппуруос. Ааспыт деятеллэргэ сыһыаннаһыыга Ленин позицията

81