Page 101 - Бастыннартан бастакы

Үлэ дьоруойа
БУРЦЕВ ДАНИЛ ГАВРИЛЬЕВИЧ - ТАИЫЛА к БАСТЫҤНАРТАН БАСТАКЫ

киллэрэр туһунан олус үчүгэйдик киһи эрэ ылынар гына, уустаан-ураннаан бар дьон иннигэр араас
түмсүүлэргэ, мунньахтарга үгүстүк улахан этиилэри оҥорор буолара. Кини өйүттэн хас эмэ чаастаах
дакылааты да оҥорор кыахтааҕа. Дьэ, оннук олус уус тыллаах, анаан айылҕаттан айдарыылаах киһи
этэ. Кини этиитин киһи иһиттэр-истэ туруон курдук олус ыпсаран-хопсорон, уустаан-ураннаан этэр
буолара. Билигин санаатахха, Данил Гаврильевич, улахан үөрэхтээҕэ буоллар, төһө эрэ тахсыылаах
киһи буолуо этэ.
Данил Гаврильевич сааһын тухары арыгы испэтэҕэ, табаҕы тарпатаҕа, эгэ хаарты оонньуо дуо?
Суох буоллаҕа. Кини олох итинник хаалынньаҥнарын утары биир сүрүн охсуһааччы этэ. Үгүстүк
арыгыһыттары, бэрэдээги кэһээччилэри утары уоттаах-төлөннөөх тыллары этэрэ, кириитикэлиирэ.
өйдөтөрө, онон көнө үчүгэй суолга үктэнэллэригэр көмөлөһөрө.
Ити курдук, Данил Гаврильевичтыын биһиги нэһилиэкпит Сэбиэтигэр түөрт эрэ сыл бииргэ
үлэлээбиппин суруйдум. Онтон кини сааһын тухары, үгүс сыллар усталарыгар, наар салайар үлэҕэ
үтүө суобастаахтык, таһаарыылаахтык үлэлээбитэ биллэр. Ол курдук «Үлэ Дьоруойа» диэн үрдүк
аатын 1935 сыллаахха аан бастакынан ылбыта. Уонна элбэх оройуон тэрилтэлэригэр суол салаа-
тыгар сэбиэдиссэйинэн, балык учаастагар сэбиэдиссэйинэн, промкомбинаакка производство сэбиэ-
диссэйинэн, МТС-ка парторунан о.д.а. үлэлээбитэ биллэр. Ону тэҥэ, оройуонун иһигэр Түүлээх
нэһилиэгэр Сэбиэт бэрэссэдээтэлинэн, «Кыһыл Маяк» уонна «Маленков» холкуостарга бэрэссэ-
дээтэллэринэн бочуоттаах сынньалаҥҥа тахсыар диэри үлэлээбитэ.
Егор БУРЦЕВ, сэрии, улэ бэтэрээнэ.
«Муру саһарҕата». - 2019. - Ыам ыйын 24 к.

ӨБҮГЭ ҮТҮӨ ҮГЭСТЭРИН ӨРӨ ТУТАН

Д.Г. Бурцев Үлэ дьоруойа Уус Алдан оройуонугар ахсынньы аам-
даам тымныы күннэриттэн бииригэр 1899 сыллаахха күн сирин көрбүтэ.
2019 сылга 120 сыллаах үбүлүөйүгэр аналлаах тэрээһиннэр буолуохтара.
Бороҕон илин уһуга уруккунан «Маяк» бөһүөлэгэ дэнэр этэ. Оҕо
эрдэхтэн чугас ыаллара убаастабыллаахтык Даниллаах Аана дииллэрин
өйдөөн хаалбыппын. Биһиги аҕабыт Баһылай ийэлэрэ Аанаттан аҕа.
балтым диэн ааттыыр этэ. Аана да, аймаҕым оҕолоро диэн, биһигини
бэркэ ымманыйа көрөр этэ, үөрбүт-көппүт, кыайыылаах дьиэ хаһаайката
диэн өйдөбүллээхпин. Дьоммут билсэр буолан, биһиги, оҕолор, эмиэ
эйэлээх, билсэ улааппыппыт. Уоллара Данил мааны, мээнэ көстүбэт
оҕо, кыргыттары кытта оонньуурун өйдөөбөппүн, арааһа уолаттардаах
ыалларга сылдьара эбитэ буолуо. Эдьиийдэрэ Лида ырыаһыт бэрдэ, би-
һигиттэн сааһынан улахан буолан, аҕыйахта көрөр этибит. Ааналаах
Данил тып-тап курдук дьаһанан, ыал мааныта буолаллара. Чугас ыал-
ларын кытта тапсан, эйэнэн олороллоро. Биһиги Данил Гаврильевиһы сэбиэт эрэ буоларын билэр
этибит. Үлэ дьоруойа диэн уһулуччу ким да бэлиэтээбэт буолара, кэлин эрэ билбиппит. Хата, дьиэ
иһигэр Аана ойуччу дьаһалта курдуга. Данил Гаврильевич дьиэтигэр да көстүбэт буоллаҕа дии.
Данил Гаврильевич киирэр аан таһыгар баар ороҥҥо олорор, эбэтэр кэлин кэтэх тардыстан сытар
буолааччы. Кини аҕыйах саҥалаах, нүһэр, мээнэ этэ-тыына сылдьыбат. Дьиэ эҥэр оннук наадалаах
сиргэ, миэстэтигэр эттэҕэ, дьаһайдаҕа диэн билигин сэрэйэбин эрэ.
Аана, омос көрдөххө, аламаҕай, сымнаҕас курдуга, ол гынан баран, бэйэтин оҕолоругар кытаанах
этэ. Аны санаатахха, атын ыал оҕолоругар туох диэн кытаатыай?! Ол аата иитиигэ кытаанах сыһыан.
эппиэтинэс ордук диэн эрдэҕэ. Ол саҕанааҕы дьон иитии боппуруоһугар, билигин өйдөөтөххө,
сиэрдээхтик, эппиэтинэстээхтик сыһыаннаһаллар эбит. Оҕону мээнэ атаахтаппат-тараҥнаппат

юо