Page 103 - Бастыннартан бастакы

V баһа

ҮЙЭТИТИИ

Үтүө киһи үрдүк аатын биир дойдулаахтара хаһан да умнубаттар, өрүү өйдүүллэр-саныыллар, өрө
тутан ыччакка холобур окостон илдьэ сылдъаллар, ытыктыыллар, убаастыыллар, кэриэстээн кэрэ кэп-
сээн оностоллор. Оннук буолуох да тустаах. Эдэр көлүөнэ, ыччат дьон аҕа көлүөнэ олоххо уопутун, олоххо
дъулуурун, олоххо тардыһыытын үтүө холобур оҥостон үөрэтиэхтээх, ылыныахтаах, өрө тутуохтаах.
Ол да иһин Данил Гаврильевич Бурцев - Тайыла курдук, үрдүк түмүктээх, үлэни өрө туппут, үлэ-
нэн үрдүк аатын үйэтиппит үтүө киһи, бастыннартан бастакы Үлэ дьоруойун үрдүк аата хаһан да
өлбөөдүйбэт, өрүү өрө тутуллар, киэн тутта ахтыллар, үйэлэргэ умнуллубат.

ҮЙЭЛЭРИ СИТИМНИИР ҮТҮӨ ТЭРЭЭҺИН

Аҕабыт сырдык кэриэһигэр, үлэлээбит үлэтин, олорбут олоҕун кэнэҕэски кэнчээри ыччаттар
- сиэннэр, хос сиэннэр өйдүү-саныы сырыттыннар, үтүмэн үгүс түбүктээх, үтүө түмүктэрдээх,
сыралаах үлэ хайдах оҥоһулларын өйдүүр-саныыр, билэр-көрөр дьон буоллуннар диэммит, бастаан
төрөөбүт түөлбэтиттэн саҕалаан, кэлин улуус таһымыгар таһааран, «Бурцевскай ааҕыылары» тэри-
йэн ыытабыт.
2006 сыллаахтан, урукку Хоро нэһилиэгэр киирэр «Маяк» холкуос бөһүөлэгэр Мындааба спор-
тивнай хайысхалаах орто оскуолатын базатыгар тэриллибит «Албан Аат» музейыгар (сал. Людмила
Афанасьевна Андросова) салҕаабыппыт.

102