Page 134 - Бастыннартан бастакы

VI баһа
ЫҺЫАХ ЫТЫК ҮГЭСПЙТ

ТАЙЫЛА

(театрализованной дьүһүйүү сценарийа)
Оонньуур дьоно:
Данил Гаврильевич
Т а й ы л а (эдэр)
Т а й ы л а (орто саастаах)
Т а й ы л а (кырдьаҕас)
Ыччаттар
Мунньахбэрэссэдээтэлэ
Боломуочунай
Д ь а х т а р
Э р к и һ и
О б к у о м бэрэстэбиитэлэ
А. И. Софронов — Алампа
Дьаамсык
У о л (сэрии буолбутун биллэрээччи)
К ы ы с (кыайыы буолбутун этээччи)
Ньукулай Орулуоп
Дьон-сэргэ

ДанилГаврилъевич киирэр.

Данил Гаврильевич. Үтүө да сайын кэллэ. Бу күн сиригэр олорбут олохпун быһа тардан
кэпсээтэххэ: мин ыраахтааҕы былааһын суулларбыт Өктөөп өрөбөлүүссүйэтэ кэлиитигэр 18-ҕым.
Үөрэҕэ суох, батталга олорбут кыра омук уола ол сураҕы үөрэ истибитим, эҕэрдэлии көрсүбүтүм.
Сэбиэт былааһын сүрэхпинэн-быарбынан чугастык ылынан, кини тэрийэр үлэтигэр көхтөөхтүк
кыттыбытым, саҥа олоҕу тутааччылары кытта тэҥҥэ хаамсыбытым.

Бырааба дьиэтэ. 3 ы ч ч а т уолаттар уонна эдэр Тайыла киирэн кэлэллэр.

1 ы ч ч а т (внос гынар). Уолаттар, кэлиҥ-кэлиҥ! Ким да суох. Дьэ, хата, үчүгэй. (Киирэр.)
2 ы ч ч а т. Тойоттор баар буолуохтара диэн куттана санаабытым, хата ким да суох эбит. Көҥүл
көттөхпүт.
1 ы ч ч а т. Куоппуттара, дьүгэлийбиттэрэ. Илэ харахпынан көрбүтүм. «Амтыын кырыыс!»,
«Биһиги үйэбит бүттэ» дэһэ-дэһэ аттарыгар олорон көтүтэн эрэллэр этэ.
Тайыла. Олох уларыйда, уолаттар! Чэ, бу үҥпүт-сүктүбүт киһибитин туура тардан таһаарыҥ.
Сөдүөт биһикки ити оннугар былаахтары саайталыахпыт. (Танаска сууламмыт кыһыл былаахтары
остуолга уурталыыр.)
2 ы ч ч а т (Ньукулай //мэтириэтин ыла-ыла). Ок-сиэ! Ыраахтааҕы элбэх да мэтээллэрдээх. Бу
маны барытын сэриигэ сылдьан ылбыта буолуо дуо?
Тайыла. Ыраахтааҕы сэриигэ аҥаар да атаҕынан үктэммэт. Киниэхэ үлэһит, саллаат дьон,
дьахтар, оҕо кыһалҕата, харахтарын уулара мэтээл буолан түөһүгэр иилиллэллэр.

Ыччаттар мэтириэти ылан тахсаллар. Тайыла Сөдүөттүүн былаах саайаллар.
Остуолу кыһыл танаһынан сабаллар. Тахсаллар.

133