Page 159 - Аржаков Степан Степан

Үтүө үтүөнэн төлөнөр
(түмүк тыл оннугар)

30-40-с сыллааҕы көлүөнэ, пенсияҕа олорор дьон
быһыытынан уонна күммүт-дьылбыт төгүрүйэн да иһэринэн
сотору-сотору көрсөбүт. Ким 60-70-75 саастара буолан
иһэр. Оннооҕор оҕолор диир дьоммут 50-гар тиийдилэр.
Ол аайы уруккуну-хойуккуну ахтыһабыт, санаһабыт. Барыта
бэҕэһээҥҥи курдук буолан ылар.
Үгүс үбүлүөйдэргэ, ордук ыччат дьонтон, барҕа махтал
тылларын ылаттыыбыт. Ол аайы үлэлээн бүппүт дьон
үөрэрбит ханна барыай? Онуоха чуолкай холобурдаах
этиилэр ордук дууһаҕа чугас, долгутуулаах буолар эбиттэр
дии санаан үс түбэлтэни өйбөр хатанан хаалбытын кэпсээ-
ри гынабын.
1996 сыллаахха тохсунньу ый 5 күнүгэр Саха Республи-
катын Правительствотын председателин солбуйааччы Иван
Николаевич Долинин 50 сааһа туоларынан сибээстээн
үбүлүөйүгэр ыҥырда. М.Н. Сибирякову уонна миигин кэр-
гэмминээн бэйэтиттэн чугас бочуоттаах остуолугар олорто.
Банкет саҕаланарын кытта, иккис дуу, үһүс дуу тост
саҕана Иван Николаевич олорор миэстэтиттэн ойон туран,
"П" буукубалыы тардыллыбыт остуоллар ортолоругар, мин
иннибэр баар буола түстэ уонна тыл этэн барда:
— Бу Степан Степанович Аржаков 70-с сылларга Уус Ал-
дан райкомун бастакы секретарынан үлэлээн, арааһа,
бүгүн мин маннык үбүлүөйдүү олоробун. Мин 1968 сылла-
ахха Москватааҕы Тыа хаһаайыстыбатын механизация-
лааһын институтун бүтэрэн, Саха сиригэр үлэҕэ кэлбитим.
Ону Уус Алдан оройуонугар Тандаҕа колхоз кылаабынай ме-
ханигынан ыыппыттара. Колхоз председателэ М.Н. Сибиря-
ков дьиэтигэр дьукаах олордон бэйэтин оҕотун курдук
бүөбэйдээбитэ. Үлэ сүрдээх ыарахан буолан баран интэ-
риэһинэй этэ. Миигин ССКП чилиэнигэр кандидатынан ыла