Page 157 - Аржаков Степан Степан

риальнай-техническэй хааччыйыыга Госкомитетын предсе-
дателинэн аныырын сөбүлэспэккэ сылдьар үһү” , — диэн
буолта. Биһиги бары даҕаны соһуйан хаалбыппыт. Ааспы-
тын кэннэ эттэххэ, оччотооҕуга күөгэйэр күнүгэр сылдьар
Степан Степановиһы ССКП обкомугар дуу, Миниистирдэр
Сэбиэттэригэр дуу улахан дуоһунаска киириэ дии саныыр-
быт.
Хайдах гыныаххыный, обком бюротун уурааҕа таҕыста
да, толорорго эрэ тиийэриҥ. Республикаҕа норуот хаһаа-
йыстыбатын материальнай-техническэй хааччыйыы ити
кэмҥэ олус уустугурбут, ыарахан салаа этэ. Ол да иһин
энергиялаах, тэрийэр талааннаах үлэһити соруйан анаан-
минээн киллэрбиттэрэ, быһыыта.
Степан Степанович ити дуоһунаһыгар киирэн үлэлии
олордоҕуна, оччотооҕуга тутулла турар саха музыкальнай
театрын боппуруостарыгар киирэ сылдьыбытым.
Көрүдүөргэ хас да Уус Алдантан сылдьар дьону көрүстүм.
"Хата, Ыстапааммыт барахсан манна комитет председате-
лэ буолан боппуруостарбытын түргэнник быһаартарды-
быт", — үөрүүлэрэ сүрдээх. Мин киирэн театры тутуу, ордук
оборудованиелары булуу, тиэйэн аҕалыы боппуруостарын
кэпсээбиппэр, аппараатын дьонун ыҥыран ылан ыйыталас-
та уонна: "Хаһааҥҥа диэри театра суох олоруохпутуй, бу
биһигиттэн тутулуктаах боппуруостар эбит, онон түргэнник
быһаарар дьаһаллары ылыҥ", — диэн хамаанда бөҕөнү
биэрдэ.
Урут кэлэ сырыттахпына эбэтэр Правительствоҕа буолар
кэпсэтиһиилэргэ наар мин үрдүбэр түһэр олус тыллаах, от-
дел начаалынньыктара Кационов, Протопопов олох ула-
рыйа түстүлэр. Кабинеттарыгар ыҥыран ылан боппуруоһу
хайдах быһаарары сүбэлиир дьон буоллулар. Онон Опера
уонна балет театра тутуллуутугар Степан Степанович ула-
ханнык көмөлөспүтүн иһин мин куруук махтана саныыбын.
Степан Степанович эдэрэ, энергията, авторитета бэрт
буолан, Госкомитет үлэтин начаас өрө тардыбыта. Хас эмэ
сыл аҥардас кэпсэтиигэ, былааннааһыҥҥа сылдьыбыт уни-
версальнай база тутуутун Союз Госпланыгар тиийэ туруор-
сан сотору быһаартарбыта, тэтимнээх тутууну ыыттаран,
материальнай-техническэй хааччыйыы салаатыгар револю-