Page 160 - Аржаков Степан Степан

охсубуттара. Онтон иккис сылым күһүҥҥү ардахтартан
саҕалаан табыллыбакка барбыта, — диэтэ.
Салгыы, 1969 сыл күһүнүгэр студеннары тиэйэн иһэр
массыына, ардахха Тандалыыр сыырга халтарыйан, авария
оҥорбутун, ол иһин кинини механик быһыытынан кытаанах
буруйга тардаары суут-силиэстийэ үлэһиттэрэ туруммутта-
рын, ССКП райкома, кини бастакы секретара С.С. Аржаков,
быһаччы буруйа суох диэн көмүскээн хаалларбыттарын
иһин миэхэ муҥура суох махтанарын эттэ уонна тыл этэр-
бэр көрдөстө.
Мин соһуйан хааллым. Кэпсэммит түбэлтэ баарын билэ-
рим буолан баран, үксүн сиһилии ис хоһоонун умнубут
этим. Инньэ гынан Иван Николаевиһы үбүлүөйүнэн эҕэрдэ-
лээтим эрэ, инники өттүгэр бары үтүөнү баҕардым. Ити
кэнниттэн Иван Николаевич миэхэ бэйэтин махталын даа-
чаҕа ыалым Николай Артемьевич Липунов, уруккута Саха
АССР Тыатын хаһаайыстыбатын миниистирин солбуйааччы,
РСФСР, САССР үтүөлээх агронома, 70 сааһын бэлиэтиир
үбүлүөйүгэр көрсөн, 2000 сыл сайыныгар эмиэ дьон бары
истэн олордохторуна эппитэ.
1999 сыл олунньу 5 күнүгэр 1-й нүөмэрдээх педучилище
директора, Саха Республикатын үтүөлээх учуутала Клавдия
Иннокентьевна Копылова 50 сааһын туолар үбүлүөйүгэр
ыҥырбыта. Сахалыы ис хоһоонноох, сиэри-туому тутуһун-
наран, сүрдээх тэрээһиннээх мероприятие буолбута. Бан-
кет аһылларын кытта сотору Клава миэхэ тыл биэрдэ уон-
на кинини мин хайдах оскуолаҕа үөрэххэ ылларбыппын кэп-
сээтэ. Ити 1955 сыллаахха балаҕан ыйыгар буолбут. Клава-
ны 7 сааһын ситэ илик диэн үөрэххэ ылбатахтар. Мин ити
кэмҥэ Дьабыыл оскуолатын директорын дуоһунаһыттан
уурайан, үөрэх салаатын инспектора буолан, дьыала тутта-
ра уонна оскуолаҕа саҥа үөрэх сыла аһыллыытын тэрийсэ
командировкаҕа сылдьарым. Ону истэн, Клава мааматы-
наан миэхэ сарсыарда эрдэ приемҥа кэлбиттэр. Мин Кла-
ва үчүгэйдик ааҕарын, ахсааны суоттуурун билэрим. Ол
иһин кып-кыһыл, төп-төгүрүк сирэйдээх кыра кыысчааны
илиититтэн сиэтэн 1-кы кылаас учуутала В.Е. Громоваҕа
аҕалан: "Үөрэт", — диэн туттаран кэбиспиппин. Ол курдук
Степан Степанович судургу, түргэн быһаарыытынан, кини