Page 155 - Аржаков Степан Степан
P. 155
"Бастакы" диэн титулунан сылдьыбыта. Бу дойду үрдүнэн
социалистическай общество өрөгөйдөөн, Коммунистичес-
кай партия күннээн-күөнэхтээн үлэлиир бириэмэтэ этэ. Оч-
чотооҕуга партия "критика уонна бэйэни критикаланыы"
принцибигэр олоҕуран кадрдары сүүмэрдиирэ, үлэҕэ атта-
ран туруорара. Ол сылларга барытыгар бастакы киһинэн
сылдьыы улахан көрдөбүлү, эҥкилэ суох ыраас киһилии
хаачыстыбаны уонна бэйэни харыстаммат дьаныардаах
үлэни эрэйэрэ.
1952 сыллаахха учительскай институту бүтэрэн, Степан
Мэҥэ Хаҥаласка оскуола директорынан, кылгас кэмҥэ рай-
совет исполкомун үөрэххэ, культураҕа салааларын сэбиэ-
диссэйдэринэн үлэлии сылдьыбыта. Онтон эмискэ партия
райкомун иккис, бастакы секретарынан талыллар. Оччо-
тооҕуга Мэҥэҕэ райком бастакы секретарынан Спиридон
Иванович Сосин диэн улахан уопуттаах, Саха сиригэр эрэ
буолбакка, Москваҕа, Киин Комитекка кытта биллэр, тар-
бахха баттанар, улахан аптарытыаттаах киһи үлэлиирэ.
Мин ол кэмҥэ культура министерствотыгар үлэлиирим.
Арай биирдэ аппарат үлэһиттэрэ "һуу-һаа" буоланнар,
көрүдүөргэ тахсаннар: "Биһиги Степаммыт райком бастакы
секретарынан талыллыбыт. Сибилигин радионан эттилэр",
—- дии-дии үмүөрүстүлэр. Ким эрэ: "Ханнык Степаный?" —
диир. Онуоха чуолкайдаан: "Мэҥэ Хаҥалас. Аржаков Сте-
пан Степанович", — диэтилэр.
Дьэ, кырдьык, ол соһуччу соҕус сонун этэ. Оччотооҕу
кытаанах партийнай номенклатура үйэтигэр культура,
норуот үөрэҕириитин салааларын сэбиэдиссэйин райком
бастакы секретарынан талыы бүтүн республикаҕа, онноо-
ҕор Союзка да суоҕа эбитэ буолуо.
1966-1968 сс. Москваҕа ССКП КК иһинээҕи Үрдүкү пар-
тийнай оскуолаҕа үөрэнэ сырыттаҕына командировкаҕа
сылдьан көрсөр, кэпсэтэр этим. Онон партийнай оскуолаҕа
үөрэнэр оччо чэпчэкитэ суоҕун билэрим. Чахчы улахан
көрдөбүлү туруоран, марксизм-ленинизм классиктарын ис-
точниктарын сиһилии ырытан үөрэтэр эбит этилэр. Итини
таһынан норуот хаһаайыстыбатын былааннааһын система-
тын, социализм экономическай сокуоннарын уо.д.а. ди-
риҥник хорутан үөрэтэллэрэ. Ити Үрдүкү партийнай оскуо-
лаҕа ылбыт үөрэҕин, билиитин Степан Степанович үйэтин
