Page 156 - Аржаков Степан Степан
P. 156
тухары олоххо киллэрэргэ охсуспут чахчы талааннаах са-
лайааччы, общественнай уонна государственнай деятель.
1968 сыллаахха Уус Алдан оройуонун коммунистара Сте-
пан Степановиһы үрдүк үөрүүнэн райком бастакы секрета-
рынан иккистээн талбыттара. Кини тула түмсэн, биир са-
наанан үлэлээбиттэрэ, үлэ күөстүү оргуйбута. Түбүктээх
үлэ түмүктээх буолан испитэ. Сыллар, пятилеткалар
түмүктэринэн тэрилтэлэр, биирдиилээн үлэһиттэр, бас-
тыҥнар наҕараадалар устун хаампыттара. Үлэһит дьон са-
наата олус үчүгэйэ.
Мин бэйэм Уус Алдан буоламмын уонна оройуоҥҥа эдэр
эрдэхпинэ культураҕа, комсомолга үлэлээммин оройуон
үлэтин-хамнаһын истэ-билэ сылдьарым. Бииргэ үлэлээбит
сорох табаарыстарым оройуон салалтатыгар үлэлииллэрэ.
Сүнньүнэн кинилэр инициативаларынан 1972-1973 сс. рай-
ком уонна райсовет салалтатын иһигэр кыра боппуруостар-
тан саҕалаан улахан принципиальнайа суох проблемаларга
бэйэ-бэйэни өйдөспөт буолуу, сорох боппуруостары араас-
таан толкуйдааһын, тэрилтэлэр салайааччыларыгар рай-
ком, райсовет тус-туһунан ыйыылара тиийтэлиир буолбут
этилэр. Ону сорохтор соруйан күөттүүллэрэ, сорохтор об-
ком ороостоҕуна сатанар буолла дииллэрэ. Ол уҥа-хаҥас
түһүүлэри Степан Степанович оройуон иһинэн, партийнай
актыып күүһүнэн табатык, саамай сөптөөхтүк быһааран, он-
нун, олоҕун булларбыта.
Степан Степанович производствоны тэрийиигэ, государ-
ственнай былааны толорууга социалистическай куота-
лаһыыны табатык туһанара. Итини сэргэ тыа хаһаайысты-
батын, эргиэн, доруобуйа харыстабылын, норуот үөрэҕирии-
тин, культура боппуруостарын тэҥҥэ тутан олус таһаарыы-
лаахтык үлэлээбитэ.
Кини Уус Алдаҥҥа үлэлиир кэмигэр 1971-1975 сс. Саха
АССР Үрдүкү Сэбиэтин председателинэн талыллыбыта.
Мин Культура министерствотыгар үлэлиир буоламмын, ол
сылларга Үрдүкү Сэбиэт биир да сессиятын көтүппэккэ
сылдьарым. Онно Степан Степанович сессиялары бэрт
дьоһуннаахтык, чуолкайдык, хаһаайын быһыытынан туттан
олорон ыытарын ымсыыра да үөрэ да көрөрүм.
Ол курдук Уус Алдаҥҥа үлэлии олордоҕуна 1975 сылла-
ахха ССКП обкома Степан Степановиһы: "Саха АССР мате-
