Page 66 - С.С. Аржаков Уус-Алдан үлэһит дьоно

аанын саба сылдьыыттан үүнээйи дьылҕата эмиэ улахан туту-
луктааҕа. Биир күһүн мин Бэйдиҥэ отчуттарыгар сылдьан ба-
ран, Николай Николаевиһы көрсөн бурдук туругун билээри
киэһэ хойут, хараҥа буолбута ырааппытын кэннэ, дьиэтигэр
таарыйбытым, оҕонньор олох да дьиэтигэр кэлэ илик этэ.
Дьоно: Бааһынатыгар буолуо, хойут кэлээччи, - диэтилэр.
Мин Бэйдиҥэ бөһүөлэгин арҕаа өртүнээҕи бааһынаҕа сүүрдэн
тиийдим. Арай, бааһьгна ааныгар киһи олорор. Николай Ни-
колаевич эбит. Хайа бу тоҕо олороҕун, дьонуҥ күүтэн ахан
олороллор дии, - диэтим мин. Онуоха оҕонньорум: Бу үлэлии
олоробун, бааһына харабыллыыбын. Киэһэ массыыналаах,
мотоцикллаах уолаттар бааһына аанын аһан кэбиһэллэр. Ол
иһин олоробун, - диэн буолла. Оттон ааны саба сылдьыҥ диэн
биллэрии саайыаххытын - диибин мин. Оҕонньорум тугу да
саҥарбата. Бэйэтэ да уһун күҥҥэ уонна эрэ саҥарар аҕыйах
саҥалаах киһи этэ. Хата халлаан диэки хайыһан, уһун син-
ньигэс сирэйин ньолох гыннарда. Ити курдук утуйар уутун ум-
нан, аһыыр, сынньанар кэмнэрин аахсыбакка уопсай дьыала
иһин, колхоз, совхоз үүнээйитин, норуот баайын халыҥатар
үлэһит киһи этэ.
Күһүнүн үүнээйини тохтуута суох хомуйар инниттэн Нико-
лай Николаевич техникатын, үлэһиттэрин бэлэмниирэ,
итэҕэстэри туоратарга эрдэттэн туруорсара. Холобур, 1973
сыллаахха атырдьах ыйын 15 күнүгэр Суоттуга Лена совхоз
киинигэр ССКП райкомун көһө сылдьар бюрота буолбута. Он-
но Лена совхоз салалтата бурдук хомуурун ыытыыга бэлэмин
туһунан информация истиллибитэ. Салалта информациятын
кэнниттэн үрдүк үүнүү звенотун салайааччы Николай Никола-
евич Лена совхоз Бэйдиҥэтээҕи отделениета бурдук хомууру-
гар бэлэмэ суоҕун, 600-кэ гектар бурдугу хомуйарга биир да
комбайн өрөмүөннэнэ илигин, бурдук таһар массыына суоҕун,
бурдук кутар сирдэр-сарайдар ыраастана иликтэрин о.д.а. тэ-
рээһин үлэлэр ситэриллэ иликтэрин, онно специалистар, са-
лалта суолта биэрбэтгэрин принципиальнай критикаҕа тарды-
быта. Совхоз директора дьиҥнээх критиканы ылынан, баар
итэҕэстэри туоратан, бурдук үүнүүтүн өрүһүйэр оннугар
өһүргэнэн, хоһох хостоһон турбута. Николай Николаевич, он-
тон төһө да хомойдор, үлэни көнньүнэн ыыппатаҕа, көрдөбүлү
мүлүрүппэтэҕэ. Бэйдиҥэ үүнүүтүн өрүһүйүүгэ ССКП райко-
мун уурааҕынан салайтаран уопсай күүһү түмэн үүнүү сүтүгэ
суох сөптөөх кэмигэр хомуллубута.
Николай Николаевич бэйэтин идэтигэр ыччаттары иитэн,
үөрэтэн хаалларбыта. Кинилэртэн үгүстэрэ бурдугу үүннэрии-
гэ наставниктарын дьыалатын сатабыллаахтык салҕаабыттара.
Холобура Николай Николаевиһы кытта кэккэ сылларга биир-
64