Page 67 - С.С. Аржаков Уус-Алдан үлэһит дьоно

гэ үлэлээбит Куличкин Николай Иннокентьевич Сивцев
дьыалатын салҕаан аатырбыт бурдук үүннэрээччи буолбута.
1994 сыллаах күһүн мин куоратган тахса сылдьан, Бэй-
диҥэҕэ тохтоон ааспытым. Урукку управляющайдара Инно-
кентий Васильевич уурайбыт, коллективнай хаһаайыстыбала-
рын ыһан, ынах сүөһүлэрин үллэстэн, били 5-6 тыһыынча литр
үүтү биэрэр бэртээхэй племенной ынахтарын сиирин сиэн, ор-
дугун чааһынайга түҥэтэн соччо-бачча настроениета суох оло-
роллоро. Ол да буоллар хас да эдэр дьоннору кытта хонтуораҕа
түмсэн кэпсэтиһии буолбута. Онно мин: Саатар үрдүк үүнүү
звенотын ыһымаҥ, бааһына сирин баҕас үллэстимэҥ. Билигин
биирдиилээн ыал хайдах бурдук ыһыытынан дьарыктаныахта-
рай, хата, бурдук ыһыытынан дьарыктанар анал структураны
оҥостуҥ, - диэбиппин сэҥээрэ истибиттэрэ.
Билигин нэһилиэккэ баар 29 бааһынай хаһаайыстыбата
сүнньүнэн сүөһү иитиитинэн дьарыктанар. Оттон 1020 гектар
оҥоһуулаах бааһыналарыгар бурдук ыһыытынан дьарыктанар
кыра хаһаайыстыба тэринэн кэннэки сылларга биэстии сүүс
гектар сири сыл аайы туһанар буоллулар. Биэстии сүүһэ ыраас
паарга оҥоһуллар. Ыраас паара суох Саха сирин усулуобуйаты-
гар эмиэ табыллыбат. Аны Бэйдиҥэ бурдугун хаһаайыстыбата
Президент структуратыгар ылыллан ыһыы сиэмэтин үүннэрэр
буолла.
Николай Николаевич бурдугу үүннэриигэ хаалларбыт баай
нэһилиэстибэтин салгыы сайыннарыыга бэйэтин төрөппүт
оҕолоро ылсыһан эрэллэр. Уола, эмиэ Николай Николаевич,
нэһилиэк администрациятын баһылыгын да быһыытынан сир
быйаҥын туһаныыга туруулаһар. Онон өбүгэлэр үтүөкэн үгэс-
тэрэ көлүөнэтгэн көлүөнэҕэ салҕанан бара туруо, Бэйдиҥэ өҥ
буоругар бурдук үүнэ туруо, тыа дьонун аһа, тирэҕэ буолуо. Ол
аайы бастакы тахсыылаах сиэмэни өҥ буорга түһэрбит Нико-
лай Николаевич Сивцев оҕонньор аата ахтылла туруо.

5 З ак аз 172 65