Page 114 - Бэстэрикиэптэр. Олох салҕанар

Бэстэрикиэптэр. Олох салҕанар

ҥалаан, кыһалҕа бэрдиттэн сүбэлэтэ, көмөлөһүннэрэ диэн ааттаан бэрт
улаханнык куттана-куттана тиийдим. Бэрт намыын, холку көрүҥнээх саха
саарына өрдөөҕүттэн күүтэн олорор курдук бэрт эйэҕэстик көрүстэ. До-
рооболоһон, кэпсэтэн, ааппын-суолбун истэн баран “Тыый, Петр Пет­
рович оҕото эбиккин дии. Биһиги биир кэмҥэ үөрэммиппит, үчүгэйдик
билсэр этибит. Чэ, доҕоор, барыах (мин олохпор биир саамай сөхпүт,
истиҥник саныыр түгэним ити, итиччэ улахан киһи билбэт оҕотугар
сыһыана)”. Төгүрүк көҕүстээх “Волгатын” собуоттаан тирилэттэ, куо-
ракка көтүттүбүт. Оччолордооҕу комсомол, партия куораттааҕы коми-
теттарыгар киирэн кэпсэтэлээтэ. Ол анараа дьонтон “туһа” тахсыба-
таҕа, барыта эрэннэрии, кыһалҕаҕа тирании. Кырдьык да оннук эта.
Республика араас оройуоннарын, куорат даҕаны биллиилээх, ытык-
табыллаах дьоннорун билэрин, билсэрин эмиэ биир маннык түгэнтэн
эбии итэҕэйбитим. Иннокентий Авксентьевич Дмитриевтыын (Сиэн Чол-
бодук) дойдубар гастрольга тиийдибит. Концерт кэннинээҕи аһылык кэн-
ниттэн, тоҕо эра, альбом көрдүлэр. Арай Иннокентий Авксентьевич сото-
ру-сотору саҥа аллайар: “Бу киһилиин ханна көрсүбүккүтүй? Бу киһи
манна үлэлээбитэ дуо?” Онтукайбыт Ньурба, Сунтаар, Бүлүү улуустарын
биллэр, сорохторо тутаах дьонноро эбиттэр. Аҕам холкутук быһаарар:
“Бу бииргэ үөрэммит, бу көрсүһэр-билсиһэр дьоммут”... Ону биһиэхэ кэп-
сээбэт! Сааһын тухары үрдүк солоҕо былдьаспакка (хаста даҕаны райо-
ноҕа, үөрэх министерствотыгар араас дуоһунастарга ыҥырбыттарын ак-
каастаабыта) дьиҥ-чахчы дууһатынан сөбүлүүр үлэтигэр, ханна да хам-
саабакка, сүрэҕиттэн сөбүлээбит Орто Эбэтигэр 32 сыл устатыгар сүрэ-
ҕин төлөнүн, билиитин-көрүүтүн, күүһүн-күдэҕин анаабыта. Биир кэмҥэ,
оскуолалары “сүрүннээри” диэн ааттаан Орто Эбэ оскуолатын эмиэ
сабаары гыммыттарын, партия чилиэниттэн кандидакка түһүөр диэри
куттаммакка принципиальнайдык оройуонунан, куоратынан туруулаһан
туруорсан саптарбатаҕын нэһилиэгин дьоно күн бүгүҥҥэ диэри сөҕө-
махтана саныыллар. Ол да иһин Орто-Эбэ оскуолата аһыллыбыта 70
сыла туолуутугар нэһилиэк дьоно улууска, республикаҕа туруорсан
аҕабыт аатын Орто Эбэ ситэтэ суох орто оскуолатыгар иҥэртэрбиттэ-
рэ.Саха Республикатын Правительствотын анал уурааҕа тахсыбыта. Аҕам
туһунан түмүктээн эттэхпинэ, уруккута Чурапчы оройуонун, Бахсы нэһи-
110