Page 116 - Бэстэрикиэптэр. Олох салҕанар

Бэстэрикиэптэр. Олох салҕанар

лаан биэрбитинэн чахчы дэгиттэр талааннаах буолан, төһө да элбэх оҕоҕо
баттаттар нэһилиэк общественнай да, практическай да улэтиттэн туора
турбатаҕа. Онно эбэбит Алааппыйа, эһэбит Бүөтүр үтүөлэрэ-өҥөлөрө эмиэ
сатаан сыаналаммат. Ийэбит элбэх оҕо көрүүтэ-истиитэ үтүрүйэн аҕабыт
курдук сүрүн үлэтэ суоҕа. Ол да буоллар, наада буолла да маҕаһыыҥҥа
ревизия чилиэнэ, дьахталлар комитеттарын председателэ, эмиэ да интер-
накка завхозтуура, концертарга кыттара.
Сытыы-хотуу буолан оскуола, нэһилиэк кыһалҕаларын кэпсэтэ, ту-
руорса, араас мал-сал була-тала оройуонунан, куоратынан сылдьара.
Ол гынан баран ийэм сүрүн үтүөтэ-өҥөтө - аҕабыт үлэтигэр, ийэм
көмөтүнэн, олус үтүрүйтэрбэккэ таһаарыылаахтык үлэлээбитигэр буо-
лар. Уон оҕону иитэн-такайан таба суолга үктэннэрбитигэр буолар. Бу
манан аҕай дьыала буолбатах эбээт!
Ийэ, оҕо уонна күн
Үһүөн тэҥнэр кэрэлэр
Сиргэ тугу көрбүккүн
Кинилэр киэргэтэллэр.
Бу хоһоон ийэбэр анаммыт курдук. Биһиги оҕолор сир киэргэллэрэ
буоллахпытына, ийэбит барахсан сири чахчы киэргэтэн ааста. Күн сири-
гэр, бар-дьонугар уон оҕону бэлэхтээбит Герой Ийэ!
Сааһырдаҕым ахсын бииртэн олус хомойорум улаатан иһэр. Бачча
уон оҕону кун сирин көрдөрөн, борбуйдарын көтөҕөн баран, толору асты-
на, үөрэ ымыыларыҥ үлэһит, ыал буолалларын көрбөккө, үгүс сиэннэр-
гин, нарын сылаас иэйиинэн ситэ угуттаабакка олус эрдэ орто дойдут -
тан барбытыҥ хомолтолооҕун!
Ийээ, эн кэриэскин толордубут. Дьон-сэргэ сэргии көрөр ыаллара
буоллубут, үгүс сиэннэнэн сири эмиэ эн курдук киэргэттибит.
Чэ, ийэм барахсан, күндү ийэкээм, эн тускунан иккис дойдуҥ буол-
бут Орто Эбэ ыччаттарыгар кэпсии түһүүм. Ийэм барахсан төрүөҕүттэн
сүрэх ыарыһах этэ. Билигин сөҕө саныыбын ээ, хайдах бэйэтин харыс-
таммакка дьон туһа диэн сүүрбүтүн! Кини онтон атын буолар кыаҕа суох
этэ. Ол курдук өйө-санаата, билиитэ-көрүүтэ биир балаҕаҥҥа батан оло-
рор кыаҕа суоҕа. Оннук киһи этэ, биһиги ийэбит. Чахчы көмүс ийэ! Чахчы
аанньал ийэ!
112