Page 22 - Бэстэрикиэптэр. Олох салҕанар

Бэстэрикиэптэр. Олох салҕанар

Хоту дойду тыйыс усулуобуйатын, күүстээх үлэтин, ыарахан олоҕун
тулуйбакка элбэх киһи өлбүтэ. Онно мин убайым Андриан, эдьиийим
Агафья, абаҕам Пестряков Тайыла онтон да атын аймахтарым өлбүттэ-
рэ. Эдьиийдэрим, убайдарым колхозка от, мае тиэйиитигэр, балык
бултааһыныгар, сүөһү көрүүтүгэр үлэлээбиттэрэ. Мин сайынын кинилэри
кытта үлэлэһэрим. 7 кылааһы бүтэрбитим, онтон салгыы куоракка үөрэнэ
барар кыаҕым суох буолан, колхозка үлэ күнүн ааҕааччыннан, суотчуту-
нан үлэлээбитим.
1949 сылтан народнай суукка секретарынан, нэһилиэк Сэбиэтигэр
секретарынан, лесхозка кассирынан үлэлээбитим. 1961 сылтан кол-
хозтар совхоз буолбуттара. Кэтэхтэн үөрэнэн бухгалтер идэтин ылан
“Эдьигээн” совхозка 1988 сыллаахха диэри үлэлээбитим.
Үлэлээбит үлэм сыаналанан үлэ-тыыл ветерана буолбутум, юбилей-
най мэтээллэринэн наҕараадаламмытым. Улууһум убаастабылыгар сыл-
дьабын.
Мин кыра эрдэхпинэ манна кэлэн олохсуйан, үөрэнэн, үлэлээн, ыал
буолан Эдьигээни иккис төрөөбүт дойдубунан ааҕабын. Тулаайах хаал-
быт кэммэр уонна ити ыарахан сылларга миигин иитэн-үөрэттэрэн киһи
оҥорбут убайдарбар, эдьиийдэрбэр махталым муҥүра суох.
Бу 1942 с. тахсыбыт тыйыс уураах көтүрүллэригэр элбэх сыраларын
биэрэн үлэлээбит, үгүс архивнай докумуоннары үөрэппит көҕүлүүр бөлөх
чилиэннэригэр, Чурапчы оройуонун общественноһыгар махтанабын. Би-
лигин сынньалаҥҥа олорон араас чэпчэтиилэринэн туһанабын.
1990 с. икки оройуон көҕүлээһиннэринэн аҕа көлүөнэ аатын үйэти-
тэр, үүнэр көлүөнэни патриотическай тыыҥҥа, өйгө санааҕа иитэр сыал-
лаах Эдьигээҥҥэ обелиск туруоруллубута.

А л е к с а н д р а Д м и т р иев н а П Е С Т Р Я К О В А ,
Ч урапчы колхозт ары н 1 9 4 2 с.
хоту о р о й у о н н а р г а к ө һ ө р ү ү кыттыылааҕа,
Петр Пет рович П ест ряков тастыҥ балта,
Э д ь и г э э н у л у у һ у н олохт ооҕо.
2 0 0 2 сы л ку л у н тутар 1 5 к ү н э .

18