Page 36 - Бэстэрикиэптэр. Олох салҕанар

Бэстэрикиэптэр. Олох сэлҕанар
Ытыктанар киһи

Орто-Эбэҕэ кэллэххэ аан бастаан оскуола дьиэтэ киһи хараҕар
быраҕыллар. Бу-О рто-Э бэ киэргэлэ, кини маҥнайгы бөдөҥ тутуута.
Суон мастартан суоруллан оҥоһуллубут үрдүк үтүө көрүҥнээх улахан
дьиэ. Иһин киирэн көрдөххө кырааскалаах муосталаах, эпсиэйдээх
истиэнэлээх, киэҥ, сырдык, ичигэс, ыраас кылаастардаах. Оскуо-
лаҕа Пестряков Петр Петрович директордыыр. Бу саар-тэгил уҥуох-
таах саас ортолоох, өрүүтүн күлэ-үөрэ сылдьар киһини олохтоохтор
улаханнык ытыктыыллар. Ытыктаамына даҕаны, кини учууталбын диэн
оскуолатыгар бүкпэт, нэһилиэк общественнай олоҕор активнайдык
кыттар. Этэргэ дылы оҕону кытта оҕо, улаханы кытта улахан. Оннук
эйэҕэс майгылаах боростуой киһи.
Петр Петрович педагогическай үлэтин 1933 сылтан саҕалаабыта.
Кини отучча сыл устатыгар кэрэхсэбиллээх баай опытын мунньунан,
ону биһиги бу кылгас ыстатыйаҕа сиһилии кэпсиир соругу туруорум-
матыбыт.
Табаарыс Пестряков ханнык да үлэни норуот туһугар үлэлээһини-
нэн ааҕар. Оскуолаҕа педагогическай коллективы саталлаахтык түмэр,
бэйэтин уруоктарыгар нуучча тылын үөрэтиигэ айымньылаахтык сы-
һыаннаһар.
Үтүөлээх педагог үөрэх билии төрдүн иҥэрэн уһуйбут-үөрэппит,
мөлтөх, ньулдьаҕай бэйэлэрин күүһээбит, көччөх гынан көтүппүт оҕоло-
руттан араас идэлээх дьоннор: врачтар, пилоттар, учууталлар иитил-
лэн таҕыстылар.
- Үөрэнээччи ыччат, - диир кини, - биһиги сарсыҥҥы кэскилбит.
Кинилэри ахсаабакка иитэн, дьоҕурдарын тобулан, талааннарын сайын-
наран, үлэ-хамнас, наука, техника киэҥ аартыгар киллэрии опытын,
үйэ эдэр хаһаайыннарын иитии, биһиги педагогтар ытык иэспит, эбээһи-
нэспит буолар. Ол гынан баран, оҕону иитиини кэлтэй оскуолаҕа найы-
лыы сатыыр, биһиги аһаттыбыт, таҥыннардыбыт диир төрөппөттэр би-
һиэхэ ыарахаттары үөскэтэллэр. Онон төрөппүттэр уонна учууталлар
оҕолорбут дьоҕурдарыгар кыым саҕан күөдьүтэн, күүһүрдэн биэрэр
сорукпутун умнуо суох тустаахпыт.
32