Page 37 - Бэстэрикиэптэр. Олох салҕанар

Бэстэрикиэптэр. Олох салҕанар

Нэһилиэккэ ыытыллар араас үлэ, совет сессията, колхозтаахтар
мунньахтара Петр Петрович сүбэтэ, ыйыыта суох ааспаттар. Кини итэ-
ҕэстэргэ эйэлэспэт, үчүгэйи өрүүтүн өйүүр үгэстээх.
Үчүгэй үлэһит, активнай общественник, дьоҥҥо үтүө табаарыс,
дьиэтигэр-уотугар амарах аҕа буолан, олохтоох Совет быыбарыгар
мэлдьи депутатынан талыллар. Пестряков учуутал уонна обществен­
ник быһыытынан үтүө холобура тус бэйэтин оҕолоругар сэмэй, үлэни
таптыыр буолууларыгар сабыдыаллаах.
Уон оҕону аһатан-таҥыннаран, иитии-үөрэтии, киһи оҥоруу манан
аххан дьыала буолбатах. Уон оҕоттон сэттэтэ оскуолаҕа үөрэнэллэр,
үөрэхтэригэр бары ситиһэллэр. үһүс уол Филя Бэйдиҥэ оскуолатыгар
ахсыс кылааска “4“-“5” сыананан үөрэнэр.
Ийэлэрэ Мария Петровна эмиэ үчүгэй үлэһит, активнай обществен­
ник.
Петр Петрович педагогическай литератураны мэлдьитин ааҕар,
бэйэтин билиитин үрдэтэргэ дьулуһар. Мин колхозтаахтар, сулууспа-
лаахтар да ортолоругар сылдьан, киниэхэ үөрэммит дьон хайҕаан
кэпсэтэллэрин мэлдьи истэбин. Үчүгэй үлэһит буолан дьон-сэргэ
махталын ылыы - үлэлиир киһи дьоло.
Биһиги Петр Петровичпыт дьэ итинник сырдык дууһалаах, көнө
сүрэхтээх, ыраас суобастаах ытыктабыллаах кэрэ киһи.

И .О Х Л О П К О В .
“Л е н и н с у о л а ” хаһы ат ,
а х с ы н н ь ы 2 6 к у н э .

3 Заказ № 146