Page 38 - Бэстэрикиэптэр. Олох салҕанар

Бэстэрикиэптэр. Олох салҕанар

Үчүгэй да кэм этэ

Мин Петр Петровиһы бастаан 1935 сыллаахха быһыылааҕа Орто-Эбэ
оскуолатыгар кэлэ сылдьыбытын көрбүтүм. Онно миигиттэн аҕа саас-
таах, дьоһуннаахтык туттар, аҕыйах саҥалаах эдэр киһи этэ. Барбытын
кэннэ сураспыппар ити Кэссиэ Бүөтүр Бэстэрикиэп уола диэбиттэрэ.
Бүөтүр Бэстэрикиэп II Өлтөххө мэлдьи сылдьара, Маастар Бүөтүр диэн
ааттыыллара.
Онтон Дьокуускайга пединститукка үөрэнэ сырыттаҕына көрбүтүм.
Намыһах соҕус уҥуохтаах, төгүрүк ис киирбэх сирэйдээҕэ. Киэҥ арыл-
хай харахтардаах, синньигэс үрдүк кэҥэриилээх, ньимийбиккэ дылы ча-
раас уостардаах эбит этэ. Олус сытыытык кэлэ-бара ыһа-тоҕо кэпсии-
ипсии сылдьара биллибэт номоҕон көрүҥнээҕэ.
Ол кэнниттэн Күөл Эбэнэн Орто-Эбэҕэ бастаан кэлэллэригэр 1945-
46 үөрэх дьыла буолаары турдаҕына атырдьах ыйыгар аргыстаспыппыт.
Кини кэргэнинээн Мария Петровналыын уонна биирин туола иликуолу-
наан үөрэх министерствотыттан Орто-Эбэҕэ анатан учууталлыы көһөн
тахсан баран иһэллэрэ. Ол иннинэ Кэбээйигэ үлэлээбит этилэр.
Онон ити үөрэх сылыттан Орто-Эбэ ыала буолбуппут, Орто-Эбэ ос­
куолатыгар директорынан оччотооҕуга Анна Исаковна Замятина үлэлии-
рэ. Петр Петрович нуучча тылын, литературатын үөрэтэрэ. Мин био-
логияны, химияны үөрэтэрим, завуч этим.
Петр Петровичтаах «баанньык» дьиэ диэн ааттаах, намыһах, кыра
дьиэҕэ олорбуттара. Биһиги дьиэ кэргэҥҥэ бастакы оҕобут Данил 1947
сыл олунньуга, иккис оҕобут Гоша 1949 сыл күһүнүгэр төрөөбүттэрэ. Петр
Петрович уонна Мария Петровна оҕолоро Петя, Вася биһиги улахан оҕобут
Даниллыын биир олбуор иһигэр үөскээн бииргэ оонньуур этилэр.
Мин завуч буоламмын Петр Петрович уруоктарыгар сылдьар этим.
Кини уруога мэлдьи дьыалабыайдык барара, биир да мүнүүтэ туһата
суох хаалбата. Оҕолору нуучча тылынан саҥарарга, суруйарга угуйара.
Программалаах үөрэҕи билэргэ утумнаах улэ барара, диктаннар араас
көрүҥнэрэ, өйтөн суруйуулар мэлдьи буолаллара, араас көрүҥнээх улэ-
лэр, эрчиллиилэр ыытыллаллара. Мария Петровна үлэтигэр олус кыһам-
ньылааҕа. Интернатка сэбиэдиссэй, завхоз буолара. Оччотооҕу ас-та-

34