Page 58 - Бэстэрикиэптэр. Олох салҕанар

Бэстэрикиэптэр. Олох салҕанар

Мин ол дьиэҕэ төрөөбүппүн уонна 1942 сыллаахха диэри онно олор-
буппут. Бөһүөлэктээһиҥҥэ диэри биһиги нэһилиэк 5-6 көс устатынан
бытанан олорбут. Оҕолор оскуолаҕа өйүөнэн кэлэн үөрэнэллэрэ, интер­
нат суоҕа. Ас-таҥас кырыымчыга үгүс оҕоҕо ыарахаттары үөскэппитэ,
үөрэхтэн эрдэ уурайбыт үгүс этэ.
Мин 1939 сыллаахха күһүн оскуолаҕа киирбитим. Биэс биэрэстэ-
лээх сиртэн иннэҕэй тирбэҕэ быстыбатынан, аһыыр-аһаабат сылдьан
үөрэнэрбит.
Кыһыҥҥы халлаан сырдыыта оскуолаҕа кэлэрбит, киэһэ ыйдаҥанан
сирдэтэн дьиэбитигэр төннөрбүт, көмүлүөк сырдыгар уруокпутун толор-
бута буоларбыт.
Оччотооҕу оҕону үлэ ииппитэ. Саас үөрэх ыам ыйын 18 күнүгэр
бүтэрэ, сарсыныттан ыһыы үлэтигэр үлэлэспитинэн барарбыт. Онтон
салгыы сир паардааһына, саһаан эрбээһинэ, оҕуруот, от үлэтэ, бур-
дук быһыыта.
Ол курдук үөрэнэн-үлэлээн сэттэ кылааһы бүтэрбитим, салгыы орто
оскуолаҕа үөрэнэр кыах суоҕа, инньэ гынан фермаҕа бороон көрбүтүм.
Кэлин Мүрү орто оскуолатыгар үөрэммитим, 1952 сыллаахха бүтэрби-
тим. Салгыы Дьокуускайдааҕы пединститукка саха салаатыгар үөрэм-
митим. Биир үстээх буоллаххына стипендия биэрбэттэр этэ, оттон кол-
хозтаах оҕото онто суох кыайан үөрэнэр кыаҕа суоҕа. Ол кыһалҕата
кыһарыйан буолуо, институту “үһэ” суох үөрэнэн бүтэрбитим.
Үлэҕэ анааһыҥҥа Өймөкөөн уонна Томпо оройуоннарыттан тал диэ-
биттэригэр, дойдубар чугаһын иһин, Томпону талбытым. Күһүн үлэлии
диэн нэдиэлэҕэ биирдэ кэлэн ааһар борокуотунан куоракка киирбип-
пэр, анааһыны уларытан “Чэ, үөрэх салаатын быһаарыытыгар Уус-Ал-
даҥҥа ыытабыт” диэтилэр. Мин үөрүүнү кытта Бороҕонноотум. Оччолор-
го районо сэбиэдиссэйинэн Дмитрий Иванович Васильев-Очинскай үлэ-
лиирэ, миигин Орто-Эбэ сэттэ кылаастаах оскуолатыгар саха тылын
уонна литературатын учууталынан анаата.
Ол саҕана оройуон да үрдүнэн массыына бэрт аҕыйаҕа, почтаны
атынан таһаллара. Мин Сыырдаах почтальонун хас да күн кэтэһэн кини-
ни кытта барыстым. Аны туран Өлтөхтөн почталарын ыла, хас да хонукка
күүппүтүм кэннэ, Данилов Вася диэн оҕо, аараттан тыы тиэйээри,
54