Page 57 - Бэстэрикиэптэр. Олох салҕанар

Бэстэрикиэптэр. Олох салҕанар

Күндүтүк саныыбын

Мин, Винокурова Варвара Васильевна, 1931
сыллаахха кулун тутар 26 кунугэр Уус-Алдан
оройуонун биир саамай кытыы уһук нэһилиэгэр
Түүлээххэ дьадаҥы бааһынай дьиэ кэргэҥҥэ
төрөөбүтүм. Аҕам Мөлөкүүрэп Дьаакып оҕоннь-
ордооххо төрөөбүт, Кыылаайыга арҕаа мыраан
анныгар олохсуйан олорбут. Тоҕо эбитэ буолла,
баатаҕайдар диэн ааттанар аймах дьон эбиттэр.
Мин истэрбинэн, икки убайдааҕа, биир эдьиий-
дээҕэ. Убайдара Кыылаайыга, эдьиийэ Хаттыгыга
олохсуйбуттар.
Улахан убайа - Тайыла икки кэргэн тухары элбэх оҕолоох, кыра-
кыралаан хоту баран түүлээҕи-эҥин мэнэйдэһэн, эргинэн эрдэҕинэ, ре­
волюция буолбут, онон уурайбыт (хата, кини элбэх баайа суох, көннөрү
кыанан эрэ олорбут буолан, кулаахтааһыҥҥа түбэспэтэх). Иккис убайа
Көстөкүүн кыралаан ойууннуура үһү.
Мин абаҕам кыырарын көрбөтөҕүм гынан баран, биир түбэлтэттэн
кэлин санаан көрдөхпүнэ, тыл-өс күүһэ баар эбит быһыылаах. Алта
саастаахпар, оччолорго ааттыылларынан, төбөм “уот ымынаҕа” буолбу-
та, биир хонугунан сүллэ бааһырбыта. Ону чып кистэлэҥинэн абаҕам
уот аһатан “харахтан сыыһы ылардыы” үтүөрдүбүтэ. Аны туран кутуран
ыллыыра. Ол тойукка маарыннаабат, этитиилээх ырыа буолара.
Биһиги аҕабыт сааһыгар туохха да уһаты-туора сылдьыбатах, сытыа-
ры сымнаҕас, аҕыйах саҥалаах киһи этэ. Балачча сааһырыар диэри
кэргэн да булан ылбатах. Убайдара дуруускалаан Таатта Баайаҕатыт-
тан элбэх оҕолоох быстар дьадаҥы ыал улахан кыыстарын Дьэбдьиэйи
(тоҕус сааһыттан сэниэ ыал хотоннорун ыраастыыртан атын олоҕо суох
кыыһы) кэргэн ылан сүгүннэрэн Түүлээххэ аҕалбыт. Уопсайа уон ик-
китэ оҕоломмуттарыттан үс оҕолоро эрэ киһи буолтар, удьуору ууһап-
пыттар. Дьонум колхоз тэриллиитин саҕана 2 ынахтаах, аҕыйах кыра
сүөһүлээх, сылгыта суох ыал эбиттэр. Бас билэр тутуулара диэн алта
муннуктаах кып-кыараҕас бабаарына дьиэ этэ.
53