Page 73 - Untitled

Быраатым кыыһа Василисаны Эдьиий Маайаҕа майгынныыр
диэн ордук сөбүлүүр.
Биһиги Эдьиий Катялыын билигин да сибээспитин быспап-
пыт, куруук төлөпүөнүнэн сибээстэһэ олоробут. Быйыл сайын
куоракка киирэ сылдьан, кыргыттарбын илдьэ киниэхэ түспүп-
пүт. Эдьиийбит 30°С куйааска даачаҕа тахсыбакка, биһиэхэ ас
астаан, ыйан-кэрдэн, көмө буолбута.
Күндү эдьиийбит Екатерина Сидоровна, сиэннэриҥ, аймах-
тарыҥ, чугас дьонуҥ тапталларыгар угуттанан, өссө да уһуннук,
дьоллоохтук олор!
Эдьиий Маайа оҕолорун аатыттан
Мария Прокопьевна Новгородова

ТӨҺӨЛӨӨХ ҮГҮС ҮЛЭНИ ы ы п п ы т ы н
СЭРЭЙЭБИН ЭРЭ

Эдьиийбин Катяны мин маҥнай Мүрү
орто оскуолатыгар үөрэнэр кэммэр Бо-
роҕоҥҥо көрөр этим. Уһун курбуу уҥуох-
таах, сырдык сэбэрэлээх кыыс оччолорго
оройуон комсомолун салайара. Комсомолга
киириигэ хамыыһыйа чилиэнэ буолааччы.
Түүлээххэ олорор эрдэхпинэ эһэтэ Уйбаан-
наахха убайбыныын, аҕабыныын олоро
сылдьыбыппыт. Оскуола кэнниттэн үөрэххэ
киирэн, онтон сотору кэргэннэнэн, Нам
Партизаныгар 20-тэн тахса сыл олорбутум. Сааһыран иһэн,
дойдубар төннөн эрэ баран, эдьиийдэрбин кытта билсэн, Дьо-
куускайга тиийдэрбин эрэ, кинилэргэ сылдьар буолбутум. Өрүү
эйэҕэс-сайаҕас эдьиийдэрбин тута сөбүлээбитим. Эдьиий Роза
сүбэтэ-амата, көмөтө, сымнаҕас сыһыана умнуллубат үтүө өй-
дөбүл буолан дууһабар хаалбыт.
Екатерина Сидоровна олох эдэр сааһыттан тэрийэр, салайар
ис кыахтаах, ылыннарыылаах тыллаах, үлэтигэр бэриниилээх
73