Page 118 - Ульяна Винокурова. Е. П. Жирков Сайдыы суолун солоон...

II түһүмэх. Өркөн өй күүһэ

суох үрдүк үөрэххэ киирбэттэрин киһи барыта билэр.
Оттон саҥа Үөрэх былаанын 14 араас варианын иһигэр
наада буоллаҕына, холобур, физиканы, математиканы,
оннук атын да предметтэри дириҥэтэн үөрэтэргэ, ол
суох оскуолатыгар биирдиилээн консультацияҕа 7 кы-
лаастан саҕалаан сылга 3-4-5 чааска тиийэ (ол аата 5
сылга барыта 21 чаас) эбии бэриллэрин чаас ахсаанын
ааҕар дьон тоҕо эрэ куруук умнан кэбиһэллэр.
Оттон нуучча тылыгар 5 кылаастан саҕалаан
наада буолар сиригэр 2-лии да чааһы эбэр кыах
баарын үрдүнэн, хайаан да саха тылыттан эрэ чаас
ылан биэрэри модьуһаллар. Ити курдук икки тылы
ыйааһын бэскитигэр ууран, уотунан оонньообокко,
баар кыаҕы хайдах туһанары толкуйдуур ордук кө-
дьүүстээх буолуо этэ.
Уопсайынан даҕаны, саха оскуолата оҕону үрдүк
үөрэххэ кыайан бэлэмнээбэт диэн өйү-санааны олох-
сута сатыыр дьон баар. Оччоҕо билиҥҥи үөрэхтээх,
сайдыылаах сахалар, доктордар, профессордар, акаде-
миктар хантан кэлбиттэрэй? Бары куоракка, бары
нууччалыы үөрэммиттэрэ дуу?
Үрдүк үөрэххэ киирэр оҕону саха да оскуолатыгар,
тыа да сиригэр бэлэмниир кыах баарын ытык учуутал-
быт М.А.Алексеев опыта, Үөһээ Бүлүү физмат-оскуо-
латын өр сыллаах үлэтэ ама ситэ дакаастаабата дуо?
Оттон Концепция араас типтээх оскуоланы, кылааһы
аһарга киэҥ аартыгы арыйан, сир-сир аайы оҕо-ыччат
онно үөрэнэн эрэрин киһи барыта истэр ини.
Онон Концепция оҕо үрдүк үөрэххэ киирэр
суолун сабар диэн дьону куттуур кураанах дойҕох диэх-
хэ наада.
Төрдүһэ. Киһиэхэ өссө сиэр-майгы диэн баар. Си-
лиһин-мутугун билбэт буола улааппыт ыччат туохха-
туохха тэбиллэрин күннэтэ көрө-истэ сылдьабыт. Улуу

114