Page 120 - Ульяна Винокурова. Е. П. Жирков Сайдыы суолун солоон...

II түһүмэх. Өркөн өй күүһэ

Оҕо төрөөбүт тылынан үөрэнэрэ мэһэй, боҕуу диэн
өйдөбүл биһиги, муҥур кынаттаах муҥнаахтар, үүтү-
ааны кыайан көрбөппүт туоһута буолуохтаах.
Хайа да омук бэйэтэ тыллаах-өстөөх, өйдөөх-са-
наалаах, ким да сирэйин-хараҕын манаабат, илиитин-
атаҕын кэтээбэт буоллаҕына, бэйэтин бэйэтэ харанан
этэҥҥэ олорор. Сахаҕа даҕаны кимтэн эрэ самыттан
муннугу-ханныгы булбат бөҕө куттаах-сүрдээх көлүөнэ
үүннэҕинэ, сиэр-майгы тупсан, омук дьиҥнээх сайдар
суолга киирдэ диэххэ сөп. Концепция оннук сыалы-
соругу көрөр, ол суолун солуур.
Жирков концепцията нация сарсыҥҥы күнүн
ааһан, өйүүҥҥү күнүн көрөр. Саха сарсын эрэ баар
буолбакка - өйүүн эмиэ үүнэ-үөскүү турарын туһугар!

Н.Н.Жараев, Булук, Хара-Уулаах
орто оскуолатын директора
Национальнай Концепция
хотуларга тугу биэрдэ?
“Учуутал аргыһа” 1998.04.30.

70-80-с сылларга Булуҥ улууһун тыа оскуолалары-
гар саха тыла туттуллар эйгэтэ улам-улам кыа-
раан иһэрэ сахалыы саҥалаах дьону дьиксиннэрэр
буолан барбыта. Үгүс тыа оскуолатыгар нууччалыы хос
(параллельнай) кылаастар аһыллан барбыттара, нууч-
чалыы тыллаах кэлии нэһилиэнньэ элбээбитэ, саха ты-
лын чааһа аҕыйаабыта, саха тылын учууталлара бары-
талаабыттара. Салайар органнар да, төрөппүттэр да
оҕолорун нууччалыы үөрэтэр-иитэр хайысханы
ылбыттара.
1998 сыл тохсунньуга Булуҥ улууһун нэһилиэн-
ньэтэ 11 864 киһи, онтон сахалыы саҥалааҕа 1/3 эрэ.

116