Page 119 - Ульяна Винокурова. Е. П. Жирков Сайдыы суолун солоон...

Саҥа суол саҕаланыыта

нуучча омук эдэр көлүөнэтэ ити бэйэлээх тыһыынча
сыллаах культуратын тэпсэн-тиэйэн туран, атын куль-
тураҕа умса-төннө түһэн, сиэрэ-майгыта, өйө-санаата
быста сатарыйда буолбат дуо?
Биһиги дьолбутугар, саха киһитэ этигэр-хааныгар
иҥмит удьуор уус хараҕын, уран тарбаҕын утума өссө
да тыыннаах эбит. Төрөөбүт тылбыт эт-тирии сүтэ
илигинэ сирэр-талар Концепциябыт киирэн, баара-
суоҕа үс-түөрт сыл иһигэр сир-сир аайы төһөлөөх киһи
ийэ талаана таҕыста, төһөлөөх ыччат төрүт культура
илгэтин иҥэриннэ! Талаан, дьоҕур, кыах да бөҕө
хааһахха хаайтаран сылдьаахтаабыт эбит...
Тыа сиригэр олорор дьон нууччалыы үөрэнэр оҕо
сайдар-тупсар диэн ордугургуур. Уол буолбата да кыыс,
кыыс буолбата да уол диэбит курдук, сахалыы билбэт
буолла да, нууччалыы билэр дии саныыр. Утары кэп-
сэтиигэ, кырдьык, оннук көстөр. Ол эрээри нуучча ты-
лын төрөөбүт тыл курдук билбэт, үгүс өттүгэр маннык
оҕо саха диэххэ саха буолбатах, нуучча диэххэ нуучча
буолбатах, өйө-санаата, быһыыта-майгыта атын.
Оттон Ийэ тылын ситэ билбэт киһи норуот төрүт
культуратын, үгэһин хайдах ылыныай, бэйэтин төһө
сахабын дэниэй, саханы хайдах салҕыай? Сахалыы
аахпат, суруйбат, эҥин бэйэлээх интэриэһинэй биэ-
риини өйдөөбөт, Саха театрыгар сылдьыбат. Быһата,
тастан киирбит киһи, сылдьар ыалдьыт кэриэтэ.
Кыраттан саҕалаатахха, сахалыы билбэт куорат
оҕото тыаҕа барыан баҕарбат, улаатан истэҕин ахсын
тыла суоҕун өйдүүр. Улахан өттүгэр тиийдэххэ, саха-
лыы саҥарбат ыччат нууччалыы тыллаах дьоҥҥо тар-
дыһар, олору кытта бодоруһар, ыал буолар. Омугуҥ
көрөн турдаххына уларыйан барар...
Дьэ, итинник, нууччалыы үөрэтии киирбитэ бэйэ-
тэ да аҕыйах ахсааннаах омугу өссө алларытар курдук.

115
8 *