Page 121 - Ульяна Винокурова. Е. П. Жирков Сайдыы суолун солоон...

Саҥа суол саҕаланыыта

Улууска 11 уопсай үөрэх оскуолата баара, онтон
2-тэ эрэ: Бороҕон уонна Хара Уулаах орто оскуолата -
сахалыы үөрэтэллэр. Улуус киинигэр, бөдөҥ бөһүөлэк-
тэргэ мунньах, дакылаат, көрсүһүү, отчуот барыта
нууччалыы буолара; нэһилиэктэргэ, тэрилтэлэргэ туох
баар дьыала-куолу нууччалыы эрэ тылынан толорул-
лар. Улууска саха тыла государственнай статуһу сото-
рунан ылар кыаҕа суох.
“Национальнай оскуоланы саҥардан сайыннарыы
концепцията” Хара Уулаах оскуолатын педагогичес-
кай коллектива саха норуотун уонна аҕыйах ахсаан-
наах хотугу норуоттар инники дьылҕаларын аныгылыы
өйдүүрүгэр кыах биэрбитэ. Ити Концепция тахсыба-
таҕа буоллар сахалыы саҥалаах аҕыйах нэһилиэнньэ-
лээх хоту улуустарга, холобур, Булуҥҥа, сахалыы ос-
куола 20-30, сахалыы саҥа 40-50 сылынан симэлийэн
барыа этэ. Ити барыта олохтоох уһук хоту норуоттар
өй-санаа, тыл-өс, үгэс, абыычай, культура өттүнэн эс-
тэллэригэр тиэрдиэ этэ.
Педагогическай наука доктора Егор Петрович
Жирков айан оҥорбут национальнай оскуоланы
саҥардан сайыннарыы Концепцията сахалыы үөрэтэр
оскуола баар буолара, салгыы сайдара, саха оҕото саха-
лыы иитиллэрэ-үөрэнэрэ наада диэн этэр.
Хара Уулаах орто оскуолата Булуҥ улууһугар аан
бастакынан Концепция идеятын биһирээн, олоххо
киллэрэн барбыта. Бастакынан оҕолору 1 кылаастан 9
кылааска диэри төрөөбүт тылынан үөрэтэргэ диэн
дьаһаммыппыт. Биллэн турар, утарсар санаалаах
төрөппүттэр, учууталлар эмиэ бааллара.
Оҕону төрөөбүт тылынан үөрэтии оҕоҕо да, учуу-
талга да ордуга биллэн турар. Атын омук тылынан
оҕоҕо тиэрдэрдээҕэр уонна өйдөтөрдөөҕөр ийэ тылы-
нан тиэрдибит-кэпсээбит быдан табыгастааҕа биллэр.

117