Page 20 - Ульяна Винокурова. Е. П. Жирков Сайдыы суолун солоон...

I түһүмэх. Көнөр көҥүлү көрдөен

Саха оскуолата ылбыт таһыма үрдүгүн, талбыт аар-
тыга табатын, атын омуктарга холобур буолар турук-
тааҕын онно көрөн өйдөөбүппүт, истэн итэҕэйбиппит.
Дьокуускайга ыытыллыбыт норуоттар икки арды-
нааҕы конференция киэҥ биһирэбили ылбыта, ити
кэнниттэн Дагестан, Казахстан, Татарстан, Чувашия,
Бурятия уо.д.а. регионнар бэйэлэрэ Концепция оҥос-
тон барбыттара. Үөрэхтээһинтэн саҕалаан атын рес-
публикалар эмиэ суверенитет ылыналларыгар кыах
үөскээбитэ.
Онон, Егор Петрович Жирков ХХ-ХХ1 үйэ алтыһар
кэрдиис кэмигэр дойдутун-дьонун туһугар үлэлээбит
үлэтин биир дьоһун суолталаах суола, киллэрбит кы-
лаата — Саха Республикатыгар оҕону сахалыы иитии уон-
на үөрэтии суолун государственнай таһымҥа таһаарбыта,
үөрэхтээһин политикатын ыччат аныгы билии-сайдыы
таһымыгар төрөөбүт тылын, төрүт культуратын тэҥҥэ
дьүөрэлээн тахсарыгар хайыһыннарбыта, онно норуот са-
наатын-күүһүн түмпүтэ, үлэни-хамнаһы сатабыллаахтык
тэрийэр саҥа механизмнары оҥорбута буолар.

САХА РЕСПУБЛИКАТЫН ҮӨРЭҔИН
МИНИСТРЭ Е.П.ЖИРКОВ
ҮЛЭТИН КЫЛГАС ТҮМҮГЭ

Егор Петрович Жирков 1991 сыл муус устар ыйтан
үөрэх министрин солбуйааччы, национальнай оскуола
салаатын салайааччы, онтон 1992-1993 сыл ахсынньы
ыйга диэри үөрэх министрэ буолан олорбут кэмигэр
дьаныардаахтык туруорсан, туруулаһан, утумнаахтык,
эрчимнээхтик үлэлээбит сүрүн хайысхата, сыала-сору-
га - “Саха Республикатыгар национальнай оскуолала-
ры саҥардан сайыннарыы концепциятын” оҥорон,
правительство таһымыгар бигэргэттэрии, сокуон-бы-
раап нуорматын олохтооһун, наука-методика, про-
грамма-учебник өттүнэн хааччыйыы, үп-харчы, үлэ

16