Page 19 - Ульяна Винокурова. Е. П. Жирков Сайдыы суолун солоон...

Саха ыччатын барҕзта

биир санааҕа кэлбиттэрэ, федеративнай сөбүлэһии
туһунан меморандум ылыммыттара.
Егор Петрович Жирков Россияҕа бу бастакы “тах-
сыыта” ситиһиилээхтик түмүктэммитэ. Хаар-муус,
эһэ-бөрө дойдутугар киһи сэргиирэ баара буолуо диэн
кэтэспэтэх дьон билиҥҥи кэм национальнай оскуолата
маннык буолуохтаах эбит диэн итэҕэйэн, ылынан
тарҕаспыттара.
* * *
Е.П.Жирков Дьокуускай куоракка — ол саҕана
биир да омук тылын билбэт дойдуга — национальнай
оскуоланы сайыннарыы туһунан норуоттар икки арды-
нааҕы конференцияны ыытарга туруммута. Бу туһугар
эмиэ баламат санаа этэ — урут биһиэхэ, сир кыраай
уһугар, оннооҕор Союз, оннооҕор Россия таһымнаах
конференция буолуо диэн өйгө да киирбэт этэ.
1993 сыл кулун тутар 16-23 күнэ. Дьокуускайга
“Национальная школа: концепция и технология разви-
тия” диэн ЮНЕСКО кыттыылаах норуоттар икки
ардынааҕы улахан конференция буолбута. 6 күннээх
“атыыр” конференция аллаах ат айанын курдук ааспы-
та. 15 судаарыстыба кыттыбыта, 149 делегат, ол иһигэр
омук сириттэн 36 киһи, Россия араас муннугуттан
70 киһи сылдьыбыта.
Бу кэмҥэ концепция олоххо киирэр суола-ииһэ
чуолкайданан, үлэ-хамнас үгэннээн турара. Конферен-
цияҕа кэлбит ыалдьыттар пленарнай мунньах буолуон
иннинэ 7 бөлөҕүнэн Сунтаарга, Ньурбаҕа, Тааттаҕа,
Чурапчыга, Мэҥэ Хаҥаласка, Намҥа, Горнайга сыл-
дьан, концепция ис дьиҥин, туох үлэ бара турарын уу
харахтарынан көрөн итэҕэйбиттэрэ, итии-истиҥ тылы-
нан биһирээбиттэрэ. Конференция кэмигэр бука бары
биир куолаһынан саха тыла, саха культурата тыын-
наах, саха омук сарсыҥҥылаах эбит, эһиги талбыт суол-
гут саамай сөптөөх диэн, ким сэргээн, ким ымсыыран,
алгыс этэн арахсыбыттара.

15