Page 18 - Ульяна Винокурова. Е. П. Жирков Сайдыы суолун солоон...

I түһүмэх. Көнөр көҥүлү көрдөөн

йах ахсааннаах “саха омук эрэйдээх” Россия ийэ хоту-
ну күөйэ көтөн, ыйытыга-көҥүлэ суох аартык арыйан,
ол тэрилтэҕэ тиийиэ диэн ким санаабыта баарай?
1991 сыл, ыам ыйа. “Саха омук” холбоһук президе-
нэ А.С.Борисов, вице-президенэ Е.П.Жирков, В.Т.Ни-
колаев, В.П.Артамонов, журналист Иван Николаев,
Л.Р.Кулаковская састааптаах Саха сирин делегацията
аан дойдуга тахсар аартыгы арыйан, Парижка аттам-
мыта. Ол сырыыга Егор Петрович ЮНЕСКО штаб-
квартиратыгар Генеральнай директоры солбуйааччы,
профессор Колин Пауэры сирэй көрсөн, чаас аҥаара
кэпсэтэн, ыччаты төрөөбүт тылынан үөрэтэр, норуот
үтүө үгэһин тилиннэрэр ымыы гыммыт ыра санаата
үрдүк өйөбүлү ылбыта.
Онтон эбии тирэх ылан, Егор Петрович нацио-
нальнай оскуола билиҥҥи туругун туһунан кыларыйар
кырдьыгы этэн, иитии-үөрэтии хайысхатын уларытыы,
оскуоланы саҥардан сайыннарыы концепциятын
сүрүн балаһыанньаларын олоххо киллэриигэ өссө
күүскэ туруммута.
1992 сыл, муус устар 12-15 күнэ. Дьокуускай куо-
ракка Российскай Федерация састаабыгар киирэр рес-
публикалар үөрэххэ министрдэрин федеральнай мун-
ньаҕа “Национальнай оскуола: үөрэх уонна сайдыы
суола” диэн боппуруоһу дьүүллэспиттэрэ. Сүбэ мун-
ньахха араас регионтан кэлбит 18 министр уонна үөрэх
салаатын начальниктара кыттыбыттара.
Ол - Адыгея, Башкортостан, Бурятия, Дагестан,
Кабардино-Балкария, Калмыкия, Карачаево-Черке-
сия, Карелия, Марий-Эл, Хотугу Осетия, Татарстан,
Удмуртия, Чувашия, Еврейскэй национальнай уобалас,
Чукотскай, Усть-Ордынскай, Ямало-Ненецкэй авто-
номнай уокурук уонна Саха сирэ этэ. Мунньах
таһынан ыалдьыттар Тааттаҕа, Мэҥэ Хаҥаласка, Ньур-
баҕа, Сунтаарга сылдьан, национальнай оскуола Кон-
цепцията олох ирдэбилигэр эппиэттиир эбит диэн

14